غزہ میں ہسپتال پر بمباری کا ذمہ دار امریکا ہے، حماس قائد

حماس کے قائد اسماعیل ہنیہ نے کہا ہے کہ اسرائیل کی طرف سے غزہ کے ایک اور ہسپتال پر بمباری کا ذمہ دار امریکہ ہے۔

ہسپتال پر بمباری کے نتیجے میں پانچ سو سے زائد فلسطینی زخمی جبکہ درجنوں دیگر مریض اور تیمارداروں کے علاوہ ہسپتال کے ڈاکٹروں اور دوسرے طبی عملے سمیت شہید ہو گئے ہیں۔

غیر ملکی خبر رساں ایجنسی کے مطابق اسماعیل ہنیہ  کا کہنا تھا کہ یہ امریکہ ہے جس نے اسرائیل کو پوری طرح سہارا اور تحفظ دے رکھا ہے اس وجہ سے وہ اندھا دھند کبھی گھروں،مسجدوں، سکولوں پر اور کبھی ہسپتالوں پر بھی بمباری کر رہا ہے۔

اسماعیل ہنیہ نے کہا ہسپتال میں ڈاکٹروں اور مریضوں کو نشانہ بنا کر فلسطینیوں کے اس قتل عام کی اسرائیلی کارروائی سے صاف نظر آرہا ہے کہ ہمارا دشمن درحقیقت اپنی شکست دیکھ چکا ہے اور بوکھلا کر ایسا کر رہا ہے۔

حماس کے قائد نے اپنے عرب بھائیوں کے علاوہ دنیا بھر کے مسلمانوں اور ایک ایک فلسطینی سے اپیل کی ہے کہ وہ فلسطین پر اسرائیلی قبضے کے خلاف اٹھ کھڑے ہوں اور اسرائیل کے خلاف احتجاج میں شامل ہو