پاکستان کی جانب سے ابابیل ویپن سسٹم کی ٹیسٹ فلائٹ کا کامیاب تجربہ

پاکستان کی جانب سے ابابیل ویپن سسٹم کی ٹیسٹ فلائٹ کا کامیاب تجربہ، تجربےمیں مختلف ڈیزائن، تکنیکی پیرامیٹرز اور کارکردگی کا مشاہدہ کیا گیا۔

چیئرمین جوائنٹ چیفس آف اسٹاف کمیٹی جنرل ساحر شمشاد مرزا میزائل سسٹم کے تجربے کے مہمان خصوصی تھے۔ مہمان خصوصی نے تجربے کا مشاہدہ کیا۔ اس موقع پر دیگراعلیٰ فوجی حکام، سائنسدان اور انجینئرز بھی موجود تھے۔

پاک فوج کے شعبہ تعلقات عامہ آئی ایس پی آر کے جاری کردہ بیان کے مطابق تجربےکےدوران ویپن سسٹم کےمختلف ذیلی پہلوؤں کوبھی جانچاگیا۔ میزائل سسٹم دفاعی اوراسٹریٹجک صلاحیت کااہم عنصرہے۔ تجربے کا مقصد کم ازکم دفاعی صلاحیت کااعادہ کرنا تھا۔ 

جنرل ساحرشمشادمرزانےکامیاب تجربے پر سائنسدانوں اورانجینرز کو مبارک باد دی۔ صدر، وزیراعظم اور عسکری قیادت کی جانب سے بھی مبارک باد پیش کی گئی۔