پاکستان میں سونے کی فی تولہ قیمت میں 6400 روپے کا اضافہ

کراچی: پاکستان کی طرح بین الاقوامی مارکیٹ میں بھی سونے کی قیمت میں اضافہ ہورہا ہے۔

آل پاکستان جیمز اینڈ جیولرز ایسوسی ایشن (اے پی جی جے اے) کے مطابق بدھ کو ایک تولہ سونا 6 ہزار 400 روپے مہنگا ہوا جس کے بعد ملک میں فی تولہ سونے کی قیمت 2 لاکھ 6 ہزار 500 روپے ہوگئی۔

اس کے علاوہ 10 گرام سونے کی قیمت 5487 روپے اضافے سے 1,77,040 روپے ہوگئی، یدوسری جانب عالمی منڈی میں سونے کی قیمت 36 ڈالر اضافے سے 1959 ڈالر فی اونس ہوگئی۔

واضح رہے کہ دو روز قبل عالمی مارکیٹ کے ساتھ ساتھ پاکستان میں بھی سونے کی قیمت میں کمی ہوئی تھی۔ سونے کی فی تولہ قیمت میں 1900 روپے کی کمی کردی گئی۔ جس کے بعد 10 گرام سونے کی قیمت 1629 روپے کمی کے بعد 171553 روپے ہوگئی۔