مسئلہ فلسطین پر پاکستان کا مؤقف واضح ہے ،نگران وزیر اطلاعات

نگران وزیر اطلاعات و نشریات مرتضٰی  سولنگی نے کہا ہے کہ مسئلہ فلسطین اور فلسطینیوں خصوصاً غزہ کے عوام کےخلاف نسل کشی کی کارروائیوں پر حکومت کا واضح اور دوٹوک موقف ہے۔

 انہوں نے ایک ٹویٹ میں کہا کہ پاکستان جدہ اجلاس میں شرکت کررہا ہے اور وزیر خارجہ جلیل عباس جیلانی بیجنگ میں اپنی موجودگی ضروری ہونے کے باوجود اجلاس میں پاکستان کی نمائندگی کریں گے۔

وزیر اطلاعات نے کہا کہ وزیر اعظم نے پہلے ہی اقوام متحدہ کے سیکرٹری جنرل سمیت بیجنگ میں موجود عالمی رہنماؤں کے ساتھ یہ مسئلہ اٹھایا ہے۔

 انہوں نے کہا کہ عالمی اداروں  میں ہمارے مستقل نمائندے بھی ا س حوالے سے اپنا کردار ادا کررہے ہیں۔