کینیڈا بھارت سے اپنے 62 سفارت کاروں میں سے 41 کو واپس بلائے گا

اوٹاوا: کینیڈا اور بھارت کے درمیان سفارتی کشیدگی بڑھ گئی ہے کیونکہ کینیڈا نے بھارت سے اپنے 62 سفارت کاروں میں سے 41 کو واپس بلانے کا اعلان کر دیا ہے۔

کینیڈا کی وزیر خارجہ میلانی جولی نے انکشاف کیا کہ ہندوستانی حکام نے 20 اکتوبر کو 21 کینیڈین سفارت کاروں اور ان کے اہل خانہ کو سفارتی استثنیٰ ختم کرنے کے بارے میں باضابطہ طور پر مطلع کیا۔

بھارت اور کینیڈا کے درمیان کشیدہ تعلقات میں اس وقت شدت آئی جب کینیڈین وزیراعظم نے سکھ رہنما ہردیپ سنگھ نجار کے قتل میں بھارتی خفیہ ایجنسی کے ملوث ہونے کا الزام لگایا۔