پی ٹی آئی کے اتحادی شیخ رشید بھی منظر عام پر آ گئے

عوامی مسلم لیگ کے سربراہ شیخ رشید احمد منظر عام پر آگئے، نجی ٹی وی کو دیئے گئے خصوصی انٹرویو میں انہوں نے کہا کہ میں 40 دن کیلئے چلے پر گیا تھا، خبریں تو لگتی رہتی ہیں، اللہ نے زندگی میں 40 دن لگانے کا موقع دیا، چلے کے دوران مجھے کسی نے نقصان نہیں پہنچایا، چلے کے دوران سب لوگوں نے میرے ساتھ تعاون کیا، 40 دن خوش اسلوبی سے گزر گئے۔

انہوں نے کہا کہ میرا تعلق عوامی مسلم لیگ سے ہے، میری ایک سیٹ کی پارٹی ہے، پہلے دن سے اپنی افواج کے ساتھ ہوں، پاک فوج دنیا کی عظیم فوج ہے، مجھے خود کو پاک فوج کا ترجمان کہنے پر فخر ہے، چیئرمین پی ٹی آئی کو ہمیشہ کہا فوج سے بناکر رکھنی چاہئے۔

عوامی مسلم لیگ کے سربراہ شیخ رشید احمد منظرعام پر آگئے#GNN #NewsUpdates #BreakingNews #GNN_Updates pic.twitter.com/iHNK80kMM3

— GNN (@gnnhdofficial) October 20, 2023

9 مئی واقعے میں غیرسیاسی لوگوں نے اہم کردار ادا کیا، ملک اداروں کے بغیر نہیں چل سکتا، سیاستدان اور اداروں کو ملکر چلنا چاہئے، اسٹیبلشمنٹ سے ہماری لڑائی بنتی ہی نہیں تھی۔

شیخ رشید نے کہا کہ چیئرمین پی ٹی آئی ایک ضدی انسان ہیں ، چیئرمین پی ٹی آئی کو ہر بار فوج سے مذاکرات کا مشورہ دیا ۔