پٹرولیم مصنوعات میں کمی کا فائدہ عوام کو پہنچے گا ،نگران وزیر اعظم

وزیراعظم انوارالحق کاکڑ نے متعلقہ حکام کو ہدایت کی ہے کہ پیٹرولیم مصنوعات کی قیمتوں میں کمی کا فائدہ عوام کو دینے کیلئے کوششیں تیز کی جائیں۔

انہوں نے  (پیر) کواسلام آباد  اجلاس کی صدارت کرتے ہوئے کہا کہ  پیٹرولیم مصنوعات کی قیمتوں میں کمی کے بعد عوام کی فلاح وبہبود کیلئے کی جانے والی کوششیں تیز کروں گا اور خود ان کا جائزہ لوں گا ۔

وزیراعظم نے سمگلروں ، ذخیرہ اندوزوں اور غیرقانونی منافع خوروںسے سختی سے نمٹنے کی ہدایات بھی کیں۔

انہوں نے کہاکہ بجلی چوروں اور سمگلروں کے خلاف کارروائی کے مثبت نتائج نکلے ہیں اور اس کا براہ راست فائدہ عوام کوہوا ہے ۔