پی آئی اے کی نجکاری تک پی آئی سے سے تعاون کیا جائے گا ،نگران وزیر اعظم

وزیراعظم انوار الحق کاکڑ نے نجکاری کے عمل کی تکمیل تک PIA سے تعاون جاری رکھنے کا یقین دلایا ہے۔

آج (پیر) اسلام آباد میں قومی ایئر لائن سے متعلق اُمور کے جائزہ اجلاس کی صدارت کرتے ہوئے انہوں نے قومی ایئر لائن کی نجکاری کا عمل تیز کرنے کی ہدایت کی۔انہوں نے کہا انہیں PIA کی نجکاری پر پیشرفت سے آگاہ رکھا جائے۔وزیراعظم نے کہا کہ خسارہ کا شکار سرکاری اداروں کی نجکاری کے ذریعے عوام کے ٹیکسوں کی رقم کے ضیاع کو روکا جائے گا۔اجلاس میں قومی ایئر لائن کی موجودہ مالی صورتحال اور اس کی نجکاری کے عمل کے بارے میں تفصیلی بریفنگ دی گئی۔

یاد رہے کہ پی آئی اے مزید مالی بحران کا شکار ہے، ایندھن کے باعث پی آئی اے نے بین الاقوامی فلائٹس کو بھی معطل کر دیا تھا ۔