فرانسیسی صدر عمانویل میکروں کی اپنے فلسطینی ہم منصب محمود عباس سے ملاقات

فرانسیسی صدر میکرون نے رام اللہ میں فلسطینی صدر محمود عباس سے ملاقات کی اور کہا کہ سات اکتوبر کی جنگ کے بعد یہ کسی مغربی صدر کا فلسطین کا پہلا دورہ ہے۔ ہم غزہ کے متاثرین کے بارے میں سوچتے ہیں، میں غزہ میں شہریوں کی تکالیف دیکھ رہا ہوں۔

فرانسیسی صدر عمانویل میکروں نے کہا ہہے کہ حماس نے جو کچھ کیا وہ فلسطینیوں کے لیے ایک انسانی تباہی اور اسرائیلیوں کے لیے ایک المیہ کا باعث بنا گیا ہے۔ انہوں نے زور دیا کہ حماس فلسطینی عوام کی نمائندگی نہیں کرتی۔

فلسطینی اتھارٹی کے صدر محمود عباس نے کہا کہ ہم کسی ایسے سیکورٹی اور فوجی حل کو قبول نہیں کریں گے جو کشیدگی میں اضافے کا باعث بنیں اور خطے کو علاقائی یا حتیٰ کہ عالمی جنگ میں بھی دھکیل دے۔ انہوں نے میکرون سے مطالبہ کیا کہ وہ غزہ کے خلاف اس جارحیت کو رکوائیں۔

فلسطینی صدر محمود عباس نے صدر میکرون سے گفتگو میں کہا بین الاقوامی برادری کو اسرائیل کی جارحیت کو روک دینا چاہیے۔ اس جنگ میں غزہ اور اسرائیل میں ہزاروں شہری ہلاک ہو چکے ہیں۔

فلسطینی رہنما نے اسرائیلی فضائی حملوں کی شدید مذمت کرتے ہوئے کہا کہ بے گناہ شہریوں کو وحشیانہ طریقے سے قتل کیا جارہا ہے۔

محمود عباس نے کہا کہ اسرائیل اور اس کی حمایت کرنے والے ممالک ہی اس تنازع کے ذمہ دار ہیں۔ انہوں نے مزید کہا کہ غزہ پر ایک بین الاقوامی امن کانفرنس ہونی چاہیے۔