الیکشن کمیشن کی جانب سے عام انتخابات میں غیر ملکی مبصرین کےلئے دعوت نامے جاری

الیکشن کمیشن کی جانب سےعام انتخابات کے لئے غیر ملکی مبصرین کےلئے دعوت نامے جاری کر دیئے گئے جس کے مطابق غیر ملکی مبصرین کو الیکشن کمیشن سے ایکریڈیشن حاصل کرنا لازمی ہو گا۔

انتخابات کی شفافیت کے لئے ملکی و غیر ملکی مبصرین کے اوپن ڈور پالیسی مقرر کی گئی ہے۔ ایکریڈیشن کارڈ فارم الیکشن کمیشن کی ویب سائٹ سے ڈائون لوڈ کیا جا سکتا ہے۔

مبصرین ویزے کے لئے پاکستان آن لائن پورٹل پر کوائف جمع کرا سکتے ہیں۔ غیر ملکی مبصرین کو پاکستان پہنچنے کے بعد الیکشن کمیشن میں ایکریڈیشن کرانا ہو گا۔ سیاسی وابستگی کے حامل افراد کو ایکریڈیشن کارڈ جاری نہیں کیا جائےگا۔

الیکشن کمیشن نے غیر ملکی مبصرین کے لئے انتخابی بے قاعدگیوں کے حوالے سے رپورٹ جمع کرانے کو بھی لازمی قرار دیا ہے جس میں انتخابی عمل کو مزید بہتر بنانے کے لئے تجاویز بھی طلب کی گئی ہیں