آئی ایم ایف سےاگلی قسط کے مذاکرات کا آغاز 2 نومبر سےہوگا

میڈیا ذرائع کا کہنا ہے کہ آئی ایم ایف کے مذاکرات 2 نومبر تک ہونے کا امکان ہے ۔

تفصیلات کے مطابق آئی ایم ایف سے 71 کروڑ ڈالر کی قسط کے لیے مذاکرات پاکستان اور آئی ایم ایف کے درمیان 2 نومبر تک طے پا جائیں گے ۔

ذرائع وزارت خزانہ نے بتایا کہ پاکستان اور آئی ایم ایف کے درمیان 3 ارب ڈالر اسٹینڈ بائی معاہدے کے مذاکرات کا آغاز 2 نومبر سے ہوگا، جس میں آئی ایم ایف ٹیم کی قیادت ناتھن پورٹر کریں گے۔

ذرائع کا کہنا تھا کہ حکومت نے گزشتہ جائزے میں کرائی یقین دہانیوں پر عملدرآمد کیا ہے۔ گردشی قرضوں میں کمی اور ایف بی آر محصولات میں اضافہ سامنے آیا ہے۔

مذاکرات میں بیرونی فنانسنگ ایکسچینج ریٹ اور مانیٹری پالیسی سے متعلق بات چیت ہو گی ، ڈالر کے مقابلے میں روپے کا ایکسچینج ریٹ بھی زیر غور لایا جائے گا ۔

ذرائع کے مطابق پاکستان بیرونی قرضوں کے حصول میں ناکام ہی رہا ہے ۔