چین میں پاکستانی سفیر نے سیچوان ایگریکلچر ایکسپو میں پاکستان نیشنل پویلین کا افتتاح کر دیا

بیجنگ: چین میں پاکستان کے سفیر معین الحق نے چینگڈو میں سیچوان ایگریکلچر ایکسپو میں پاکستان نیشنل پویلین کا افتتاح کر دیا، صوبہ سیچوان کے نائب گورنر ہو یون، ٹریڈ ڈویلپمنٹ اتھارٹی آف پاکستان (ٹی ڈی اے پی) کے سیکرٹری فرید اقبال اور چینگڈو میں پاکستان کے قائم مقام قونصل جنرل آغا حنین عباس خان نے بھی افتتاحی تقریب میں شرکت کی۔

پویلین میں پاکستان کے مشہور سیاحتی مقامات کو متعارف کرانے ساتھ ساتھ ملک کی تیار کردہ متعدد زرعی سامان کی نمائش کی جا رہی ہے۔ پویلین میں ایک درجن سے زائد پاکستانی کمپنیوں نے اپنی زرعی مصنوعات کی نمائش کی جارہی ہے۔ پویلین نے ایکسپو میں شرکت کرنے والے شرکا کی طرف سے کافی دلچسپی کا اظہار کیا۔ اس سے قبل اسی دن، سفیر نے نویں سیچوان ایگریکلچر ایکسپو کی افتتاحی تقریب میں شرکت کی۔

جہاں پاکستان اعزازی ملک ہے۔ اپنے خطاب میں پاکستانی سفیر نے پاکستان اور چین کے درمیان مضبوط دوطرفہ تعلقات پر روشنی ڈالی جو سیاسی اعتماد، سٹریٹجک روابط اور عملی تعاون پر مبنی ہیں۔ انہوں نے پاکستان اور سیچوان کے درمیان قریبی تعاون پر بھی روشنی ڈالی ۔ ایکسپو میں پاکستان کی شرکت پاکستان اور چین کے درمیان زرعی شعبے میں جاری تعاون کو تقویت دے گی۔