قازخستان : کوئلے کی کان میں آتشزدگی ،32 افراد ہلاک

قازخستان کی ایک کوئلے کی کان میں آتشزدگی ہوئی جس کے باعث 32 کان میں کام کرنے والے ملازمین ہلاک ہوگئے ۔

ہلاکتوں کے ساتھ ساتھ متعدد کمپنی کے ملازم زخمی ہو گئے زخمیوں کو ریسکیو ٹیموں کی جانب سے فی الوقت نکال کر قریبی اسپتال منتقل کر دیا گیا ہے جبکہ مزید ہلاکتوں کا بھی خدشہ ظاہر کیا جا رہا ہے ۔

کمپنی کے مطابق جس وقت یہ افسوسناک حادثہ رونما ہوا اس وقت کان میں 200 کان کن کام کرنے میں مصروف تھے، ریسکیو کا عمل تیز کردیا گیا ہے، جبکہ اموات میں اضافے کا خدشہ ظاہر کیا جارہا ہے۔

واضح رہے کہ برطانوی اسٹیل کمپنی کی نگرانی میں کام کرنے والی کان میں یہ آگ لگنے کا 2ماہ میں دوسرا واقعہ ہے، اس سے قبل اگست میں کان میں آگ لگنے سے 5 کان کن اپنی زندگیوں سے محروم ہوگئے تھے۔