عوام پر ایک اور بجلی بم گرانے کی تیاری

مہنگائی میں پسی عوام پر ایک اور بجلی بم گرانے کی تیاری، بجلی کی قیمت میں 1 روپیہ 30 پیسے اضافے کا امکان ظاہر کیا جا رہا ہے۔

قیمت میں اضافے سے بجلی صارفین پر 22 ارب 56 کروڑ روپے کا اضافی بوجھ پڑے گا اور رواں مالی سال کی پہلی سہ ماہی ایڈجسمنٹ کی مد میں بجلی کمپنیوں نے نیپرا میں درخواست دائر کردی گئی ہے۔

درخواست حکومتی ڈسکوز کی جانب سے دائر کی گئی ہے، جس میں حکومتی ڈسکوز نے نیپرا سے اضافی اخراجات کی وصولی کی درخواست کی ہے۔

نیپرا کے مطابق ڈسکوز نے ٹیرف میں ایک روپے 30 پیسے فی یونٹ اضافے کی درخواست کی ہے، جب کہ کپیسٹی پیمنٹ کی مد میں 12 ارب 12 کروڑ روپے وصول کرنے کی استدعا کی گئی ہے۔

ڈسکوز نے درخواست میں بتایا ہے کہ مرمت اور آپریشن کی مد میں 4 ارب61 کروڑ روپے، بجلی چوری اور لائن لائسز کی مد میں 6 ارب61 کروڑروپے، اور بجلی کے سسٹم کے استعمال کی مد میں 10 ارب 24 کروڑ روپے وصول کیے جائیں گے۔

نیپرا کے مطابق حکومتی ڈسکوز کی درخواست پر 14نومبر کو سماعت کی جائے گی۔