سپیکر قومی اسمبلی راجہ پرویز اشرف کا سکیورٹی فورسز کو خراج تحسین

اسلام آباد: اسپیکر قومی اسمبلی راجہ پرویز اشرف نے پیر کو بلوچستان کے علاقے کھارو میں دہشت گردوں کے خلاف کامیاب آپریشن پر سیکیورٹی فورسز کو خراج تحسین پیش کیا۔

سماجی رابطے سے  جاری اپنے پیغام میں انہوں نے نائب صوبیدار، آصف عرفان اور سپاہی عرفان علی کو خراج عقیدت پیش کیا جنہوں نے دہشت گردوں کے خلاف بہادری سے لڑتے ہوئے جام شہادت نوش کیا۔

انہوں نے شہداء کے لواحقین سے تعزیت اور ہمدردی کا اظہار کیا اور شہداء کے بلندی درجات کی دعا کی۔ راجہ پرویز نے اس عزم کا اظہار کیا کہ دہشت گردی کے خلاف جنگ میں پوری قوم سکیورٹی فورسز کے ساتھ کھڑی ہے اور افواج دہشت گردوں سے نمٹنے کی مکمل صلاحیت رکھتی ہیں ۔