غیر قانونی غیر ملکیوں کی باعزت وطن واپسی کے لئے انتظامات مکمل

غیر قانونی غیر ملکیوں کی باعزت وطن واپسی کے لئے انتظامات مکمل کر لئے گئے، غیر قانونی مقیم افراد کی وطن واپسی کےلئے ملک بھر مین 49 ہولڈنگ ایریا پوائنٹس بنائے گئے ہیں، پوائنٹس کا مقصد جانے والے افراد کی جانچ پڑتال کرنے انہیں باعزت طریقے سے بارڈر پار کرانا ہے۔

فیصلہ کیا گیا ہے کہ آج رات 12 بجے ڈیڈ لائن ختم ہونے کے بعد افراتفری میں غیر قانونی مقیم افراد کونہیں نکالا جائے گا بلکہ انہیں باعزت طریقے سے ان کے وطن واپس بھیجا جائے گا جس کے لئے ہولڈنگ پوائنٹس کا قیام عمل میں لایا گیا ہے۔

غیر قانونی غیر ملکیوں میں حراست میں لے کر ان پوائنٹس میں رکھا جائے گا جبکہ 8 کرسنگ پوائنٹس بھی بنائے گئے ہیں جن میں سے 4 بلوچستان میں اور 4 خیبر پختونخواہ میں ہیں۔

پنجاب میں 36 ہولڈنگ پوائنٹس بنائے گئے ہیں۔اسلام آباد اور گلگت بلتستان میں ایک ایک ہونڈنگ پوائنٹس بنائے گئے ہیں جبکہ خیبر پختونخواہ میں بھی 3 ہولڈنگ پوائنٹس بنائے گئے ہیں۔

 سندھ میں دو ہولڈنگ پوائنٹس کیماڑی اور ملیر میں بنائے گئے ہیں۔بلوچستان میں 3 ہونڈنگ پوائنٹس کوئٹہ، پشین اور چاغی میں بنائے گئے ہیں۔