پاکستان فلسطین کی حمایت ہر فورم پر جاری رکھے گا ،انوار الحق کاکڑ

وزیراعظم انوارا لحق کاکڑ نے پھر کہا ہے کہ پاکستان مسئلہ فلسطین کو عالمی اداروں میں مسلسل اٹھاتا رہا ہے اور اسرائیل کی حالیہ جارحیت کے نتیجے میں غزہ میں انسانی المیے کی صورتحال رونما ہو رہی ہے۔

میوہسپتال کے دورے کے موقع پر وزیراعظم نے ذرائع ابلاغ سے گفتگوکرتے ہوئے کہا کہ میں نے مختلف عالمی لیڈروںسے ملاقاتوں میں یہ مسئلہ اٹھایا۔

انہوں نے ایک سوال کے جواب میں کہا کہ الیکشن کمیشن ایک آئینی ادارہ ہے جو ملک میں عام انتخابات کی حتمی تاریخ دے گا۔

غیرقانونی تارکین وطن کی وطن واپسی کے بارے میں ایک سوال پر وزیراعظم نے کہا کہ تقریباً سترہ لاکھ رجسٹرڈ پناہ گزینوں کے خلاف کارروائی نہیں ہوگی۔ تاہم پاکستان میں موجود غیرقانونی تارکین وطن کو واپس بھیجا جائے گا۔