معاشرے کی ترقی میں اساتذہ کا کردار ناقابلِ فراموش ہے، نگران وزیر اعظم

نگران وزیراعظم انوارالحق کاکڑ نے کہا ہے کہ معاشرے کی ترقی میں اساتذہ کا کردار ناقابلِ فراموش ہے، نوجوانوں کی صلاحیتوں میں بہتری تب ہی آ سکے گی جب تجربہ کار اساتذہ ان کی سرپرستی کریں گے۔

انوارالحق کاکڑ سے ان کے استاد نثار احمد نے ملاقات کی، وزیراعظم نے ان کا گرمجوشی سے استقبال کیا۔

آج کوہاٹ کالج کے اپنے استاد نثار احمد سے کئی سال بعد ملاقات ہوئی، پرانی یادیں تازہ کرنے کا موقع ملا۔ زندگی میں جتنی بھی کامیابیاں ملیں وہ اساتذہ کی تربیت اور دعاؤں کے طفیل ملی ہیں۔ استاد ہی ایک فرد اور پوری قوم کی تربیت کر سکتا ہے۔ سلام استاد! pic.twitter.com/YYeLdnrvJm

— Anwaar ul Haq Kakar (@anwaar_kakar) November 2, 2023

اس موقع پر وزیراعظم نے گفتگوکرتے ہوئے کہا کہ کسی بھی معاشرے کی ترقی میں اساتذہ کا کردار ناقابلِ فراموش ہوتا ہے جبکہ ہمارے ملک کے نوجوانوں کی صلاحیتوں میں بہتری تب ہی آ سکے گی جب تجربہ کار اساتذہ ان کی سرپرستی کریں گے۔

انہوں نے کہاکہ تعلیم کے ساتھ ساتھ نوجوانوں میں نظم و ضبط کی تربیت ان کی کردار سازی میں بنیادی اہمیت رکھتی ہے،قائد اعظم نے بھی ایمان اور اتحاد کے ساتھ ساتھ نظم وضبط کی تلقین کی تھی کیونکہ صرف ایک منظم قوم ہی اپنی اور دُنیا کی ترقی میں اپنا کردار ادا کر سکتی ہے۔