اسرائیل فلسطینیوں کی نسل کشی بند کرے ،منیر اکرم

پاکستان نے کہا ہے کہ محصور غزہ میں فلسطینیوں کی بنیادی ضروریات کو پورا کرنے کے لیے فوری جنگ بندی ناگریز ہے۔

اقوام متحدہ میں پاکستان کے مستقبل مندوب منیر اکرم نے اقوام متحدہ میں مقبوضہ فلسطینی علاقوں کی صورتحال پربریفنگ میں کہاکہ دنیا کو اسرائیل پر زور دینا چاہیے کہ وہ فلسطینیوں کی نسل کشی بند کرے ۔

پاکستانی مندوب نے اپنے خطاب میں کہاکہ اسرائیلی اب فلسطینیوں کے خلاف جدید نسل کشی کا ارتکاب کر رہے ہیں۔

انہوں نے بین الاقوامی قوانین کے احترام اور ان پر عمل کرنے کی ضرورت پر زور دیا جو شہریوں اور املاک پر حملوں سے منع کرتا ہے۔