دالوں کی درآمدات میں تین ماہ کے دوران سالانہ بنیادوں پراضافہ

اسلام آباد: دالوں کی درآمدات میں جاری مالی سال کی پہلی سہ ماہی میں سالانہ بنیادوں پراضافہ ریکارڈ کیا گیا ہے۔

پاکستان بیوروبرائے شماریات کی جانب سے جاری کردہ اعدادوشمارکے مطابق مالی سال کی پہلی سہ ماہی میں دالوں کی درآمدات پر193.61 ملین ڈالرکازرمبادلہ صرف ہواجوگزشتہ مالی سال کی اسی مدت کے مقابلہ میں 0.66 فیصدزیادہ ہے،

گزشتہ مالی سال کی اسی مدت میں دالوں کی درآمدات پر192.33 ملین ڈالرکازرمبادلہ صرف ہواتھا، ستمبرمیں دالوں کی درآمدات کاحجم 55.06 ملین ڈالرریکارڈکیاگیا جواگست میں 73.29 ملین ڈالراورگزشتہ سال ستمبرمیں 60.87 ملین ڈالرتھا، مالی سال 2023 میں دالوں کی درآمدات پر748.045 ملین ڈالرکازرمبادلہ خرچ ہواتھا۔

واضح رہے کہ مالی سال کی پہلی سہ ماہی میں اشیائے خوراک کی درآمدات کامجموعی حجم 1.696 ارب ڈالر ریکارڈ کیا گیا ہے جو گزشتہ مالی سال کی اسی مدت میں 2.290 ارب ڈالر تھا۔