غریب افراد کو صحت کی مکمل مفت سہولیات فراہم کی جائیں گی، ڈاکٹرندیم جان

اسلام آباد: نگران وفاقی وزیربرائے قومی صحت ڈاکٹر ندیم جان نے کہا ہے کہ ہیلتھ کیئر میں ریفارمز متعارف کروا رہے ہیں، غریب افراد کو صحت کی مکمل مفت سہولیات فراہم کی جائیں گی۔

انہوں نےپریس کانفرنس سے خطاب کرتےہوئے کہاکہ وزارت صحت اور ذیلی اداروں کو ڈیجیٹیلائز کیا جا رہا ہے ،لائسنسنگ اور رجسٹریشن کا سسٹم بھی ڈیجیٹلائز کرنے جا رہے ہیں،ڈیجیٹیلائز ڈیٹا فوری طور پر وزارت کو صحت کے مسائل کی حقیقت بتا سکے گا ۔انہوں نے کہاکہ پمز اور پولی کلینک کا پہلا دورہ کیا تو مسائل کا اندازہ لگایا ، بہت سے مریض ہسپتالوں میں ایسے دیکھے جو پرائمری ہیلتھ کیئر کے ایشو تھے۔

انہوں نے کہاکہ ایسے افراد کہ جو سرمایہ رکھتے ہیں وہ صحت کے لیے معمولی فنڈ کریں، تمام شہریوں کی صحت کے مسائل کے حل کے لیے حکومت امداد لازمی کرے گی۔شہریوں کو صحت کی سہولیات سیکنڈری، ٹریژری لیول پر فراہم کی جائیں گی۔

ڈاکٹرندیم جان نے کہا کہ صحت کے شعبے میں بہت سی مثبت تبدیلیاں آئی ہیں، گزشتہ روز وزیراعظم نے ایک منصوبے کا افتتاح کیا،پمز میں پہلے وزٹ پر دیکھا انتہائی رش تھا،پمز مین ایم آئی آر مشینیں نہیں تھی جنریٹرز خراب تھے،پی پی سینیٹرز بیماریوں کی روک تھام کریں گے،ان سینٹرز میں تمام بنیادی سہولیات میسر ہوں گے،یہ سینٹرز پرائمری اور سیکنڈری لیول پر ہیلتھ کے لئے سہولیات مہیا کریں گے۔