9مئی انسداددہشت گردی کیس ،پی ٹی آئی کارکن صنم جاوید کی درخواست ضمانت منظور

لاہور کی انسداد دہشت گردی عدالت نے پی ٹی آئی کارکن صنم جاوید کی درخواست ضمانت مںظور کرلی ہے۔

 انسدادِ دہشت گردی عدالت لاہور میں مسلم لیگ ن کا آفس جلانے کے مقدمے کی سماعت ہوئی۔ انسداد دہشتگردی عدالت کے جج ارشد جاوید نے کیس پر سماعت کی۔ 

عدالت نے صنم جاوید کی درخواست ضمانت منظور کرلی۔ انسدادِ دہشت گردی عدالت کے جج ارشد جاوید نے ضمانت بعد از گرفتاری منظور کی۔ عدالت نے دو لاکھ روپے مچلکوں کے عوض ضمانت منظور کی۔ یاد رہے کہ تھانہ سرور روڑ پولیس نے صنم جاوید کیخلاف مقدمہ درج کررکھا ہے۔

اے ٹی سی نے پہلے متعلقہ حکام کو صنم جاوید کو رہا کرنے کی ہدایت کی تھی لیکن انہیں دوبارہ گرفتار کر لیا گیا۔ انہوں نے گزشتہ ہفتے 9 مئی فسادات کیس میں ضمانت حاصل کر لی تھی۔ پولیس نے گزشتہ ہفتے پی ٹی آئی کی متعدد خواتین کو اے ٹی سی کے حکم پر کوٹ لکھپت جیل سے رہا ہونے کے فوراً بعد گرفتار کیا تھا۔