سعودی عرب نے غزہ کی صورتحال پر عرب لیگ کا ہنگامی اجلاس بلا لیا

سعودی وزیر سرمایہ کاری خالد الفالح نے کہا ہے کہ اسرائیل حماس جنگ کے سلسلے میں جلد عرب ملکوں کی کانفرنس بلانے کا ارادہ رکھتا ہے۔ 

غیر ملکی خبر رساں ایجنسی کے مطابق خالد الفالح نے کہا ہم اگلے ایک ہفتے یا چند دنوں میں سعودی عرب ہنگامی عرب سربراہ کانفرنس منعقد کرے گا۔ اسی سلسلے میں اسلامی سربراہی کانفرنس کا انعقاد بھی کیا جا رہا ہے۔

عرب لیگ کی یہ ہنگامی کانفرنس سات اکتوبر سے جاری اسرائیل حماس جنگ کے سلسلے میں ہے۔ جنگ کے ایک ماہ کے دوران صرف غزہ کی پٹی پر ساڑھے دس ہزار فلسطینی جاں بحق ہو چکے ہیں، جن میں ایک بہت بڑئ تعداد بچوں اور عورتوں کی ہے۔

سعودی وزارت خارجہ نے کہا تھا کہ تیسرا اجلاس جس کا امکان ہفتے کے اختتام پر ہے عرب لیگ اور افریقی ملکوں کا مشترکہ اجلاس ہوگا ، مگر ہو سکتا ہے کہ دوسرے دو اجلاسوں کی وجہ سے اسے قدرے موخر کر دیا جائے۔

وزیر سرمایہ کاری خالد الفالح نے کہا اتنے مختصر وقت میں سعودی عرب کے زیر قیادت تین اہم اجلاسوں کے انعقاد کا مقصد اس لیے ہے کہ اسرائیل حماس تنازعے کا پر امن حل نکالا جا سکے۔