اے این ایف کا منشیات سمگلنگ کے خلاف کریک ڈاؤن ،110کلو گرام چرس برآمد، 3ملزمان گرفتار

راولپنڈی۔13نومبر (اے پی پی):اے این ایف نے منشیات سمگلنگ کے خلاف جاری کریک ڈاؤن کے دوران 4 کارروائیوں میں 110 کلو گرام چرس برآمد کر لی اور 3 ملزمان کو گرفتارکر لیا ۔اے این ایف ترجمان کے مطابق علامہ اقبال انٹرنیشنل ایئرپورٹ پر مسافر کے پیٹ سے 59 چرس بھرے کیپسولز برآمدکیے گئے۔

گوجرانوالہ کا رہائشی ملزم پرواز نمبر GF-765 کے ذریعے بحرین کے لئے روانہ ہو رہا تھا۔ملتان ایئرپورٹ پر مسافر کے پیٹ سے 81 ہیروئن بھرے کیپسولز برآمد کئے گئے۔ لاہور کا رہائشی ملزم پرواز نمبر PA-812 کے ذریعے شارجہ کے لیے روانہ ہو رہا تھا۔ہزارگنجی روڈ کوئٹہ پر کارروائی کرتے ہوئے کوئٹہ کے رہائشی ملزم سے 105 کلو چرس برآمدکی گئی۔

 زخہ خیل خیبر کے غیر آباد علاقے میں سمگلنگ کے لئےچھپائی گئی 5 کلو چرس برآمدکی گئی ۔ترجمان نے بتایا کہ ملزمان کے خلاف انسدادمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔