پاکستان کی گلوکارہ 2024 کے گریمی ایوارڈز کے لیے نامزد

پاکستان کی گلوکارہ عروج آفتاب جنہوں نے 2022 میں اپنا پہلا گریمی ایوارڈ جیتا،انہیں 2024 کے گریمی ایوارڈز کے لیے دوبارہ دو کیٹیگریز میں نامزد کیا گیا ہے جو موسیقی کی صنعت کا سب سے بڑا اعزاز ہے۔ یہ چار فروری کو لاس اینجلس کے کریپٹو ڈاٹ کام ایرینا میں منعقد ہو گا۔

آفتاب گذشتہ سال بہترین گلوبل پرفارمنس کیٹیگری میں اپنے گانے محبت کے لیے گریمی جیتنے والی پہلی پاکستانی گلوکارہ بنیں۔ اس سال انہیں بہترین متبادل جاز البم کے زمرے میں نامزد کیا گیا ہے،

 

 

 

 

 

View this post on Instagram

 

 

 

 

 

 

 

 

 

 

 

A post shared by Arooj Aftab (@aroojaftab)

تقریباً 15 سال سے نیویارک میں مقیم 37 سالہ گلوکارہ اپنے کام کے لیے مسلسل عالمی توجہ حاصل کر رہی ہیں جو قدیم صوفی روایات کو لوک اور جاز موسیقی کے ساتھ ملاتا ہے۔

سعودی عرب اور پاکستان میں پرورش پانے کے بعد آفتاب 19 سال کی عمر میں بوسٹن کے برکلے کالج آف میوزک میں شرکت کے لیے امریکہ چلی گئیں۔ اس وقت بروکلین میں مقیم ہیں۔

عروج آفتاب نے 2010 کے عشرے کے وسط میں پہلی بار برڈ انڈر واٹر اور سائرن آئی لینڈز کے لیے ناقدین کی منظوری اور پذیرائی حاصل کی لیکن یہ 2021 کا وولچر پرنس تھا جس نے آفتاب کو شہرت کی بلندی پر پہنچا دیا - ایک نازک، سات ٹریک پراجیکٹ جو ان کے مرحوم بھائی کی یاد میں تھا۔