سابق وزیر اعلی بلوچستان جام کمال کی مسلم لیگ ن میں شمولیت

سابق وزیراعلی بلوچستان جام کمال نے پاکستان مسلم لیگ ن میں شرکت کا باقاعدہ اعلان کردیا۔

میڈیا سے گفتگو کے دوران صحافی نے جام کمال سے سوال کیا کہ کیا آپ مسلم لیگ ن میں شامل ہورہے ہیں؟ جس پر انہوں نے جواب دیا کہ جی آج نواز شریف سے  ملاقات ہے، 6 بجے باقاعدہ اعلان کرونگا۔

جام کمال کا کہنا تھا کہ کوشش ہے بہتر ٹیم بنا کر بلوچستان کو آگے لے کر جائیں۔ بلوجستان کے لوگوں کو ہمیشہ امید رہی ہے کہ وفاقی جماعتیں صوبے کو توجہ دیں، بہت عرصے سے مختلف سیاسی جماعتوں سے رابطے میں ہیں۔

خیال رہے کہ سابق وزیراعظم اور پاکستان مسلم لیگ ن کے قائد نواز شریف 2 روزہ دورے پر کوئٹہ میں موجود ہیں۔ انکے ہمراہ پارٹی صدر شہباز شریف اور چیف آرگنائزر مریم نواز بھی موجود ہیں۔