جلاؤ گھیراؤ مقدمے میں پی ٹی آئی کارکن خدیجہ شاہ کی ضمانت منظور

جلاؤ گھیراؤ مقدمے میں انسداد دہشت گردی عدالت نے پی ٹی آئی کارکن خدیجہ شاہ کی ضمانت بعود از گرفتاری منطور کرلی گئی، یہ تیسرا مقدمہ ہے جس میں خدیجہ شاہ کی ضمانت منظور ہوئی ہے۔  شہروز، روبینہ خان اور محمد احمد سمیت دیگر ملزمان کی ضمانت بھی منظور کر لی گئی۔

انسداد دہشت گردی عدالت لاہور نےجناح ہائوس کے قریب جلاؤ گھیراؤ کے مقدمے میں خدیجہ شاہ کی درخواست ضمانت بعد از گرفتاری ایک لاکھ روپے مچلکوں کے عوض منظور کی۔

عدالت نے وکلاء کے دلائل کے بعد خدیجہ شاہ کی ضمانت بعد از گرفتار کی درخواست پر فیصلہ سنایا۔

واضح رہے کہ تھانہ سرور روڑ پولیس نے خدیجہ شاہ کے خلاف جلاؤ گھیراؤ کے الزام میں مقدمہ درج کر رکھا ہے۔

واضح رہے کہ گزشتہ دنوں لاہور کی سیشن عدالت نے 9 مئی کو اشتعال انگیز ٹویٹ کرنے کے کیس میں بھی پاکستان تحریک انصاف کی کارکن خدیجہ شاہ کی ضمانت منظور کی تھی۔