پاکستان
عالمی برادری غزہ میں خونریزی کو روکنے کے لیے اپنا بھرپور کردار ادا کرے، صدر مملکت
جنگ کے خاتمے کے خلاف ویٹو کا حق استعمال کرنا متعلقہ ممالک کے اخلاقی معیارات پر سوالیہ نشان لگاتا ہے، ڈاکٹر عارف علوی
![عالمی برادری غزہ میں خونریزی کو روکنے کے لیے اپنا بھرپور کردار ادا کرے، صدر مملکت](/media/86169/conversions/Screenshot-135-696x340-1280x720.jpg)
صدر مملکت ڈاکٹر عارف علوی نے جنگوں اور تنازعات کے نتیجے میں بے گناہ لوگوں کے قتل عام کو روکنے اور انسانیت کو دنیا کے طاقتوروں کے تشدد سے بچانے کے لیے ایک متحد نقطہ نظر اپنانے کی ضرورت پر زور دیتے ہوئے کہا ہے کہ عالمی برادری غزہ میں خونریزی کو روکنے کے لیے اپنا بھرپور کردار ادا کرے۔
اسلام آباد پالیسی رسیرچ انسی ٹیوٹ (آئی پی آر آئی)کے زیر اہتمام سالانہ مارگلہ ڈائیلاگ 2023 سے خطاب کرتے ہوئے صدر مملکت نے کہا کہ عقل کی طاقت کو ان متشدد قوتوں پر فوقیت حاصل ہونی چاہیے جو انسانیت اور انصاف کی روح کو ختم کرتی ہے۔ دنیا میں مفادات انسانیت پر غالب ہیں جہاں لوگوں کو غیر انسانی سلوک کا نشانہ بنانا معمول بن گیا ہے۔ جنگ کسی بھی تنازع کا حل نہیں ہے۔
انہوں نے اس بات پر افسوس کا اظہار کیا کہ جنگ کے خاتمے کے خلاف ویٹو کا حق استعمال کرنا متعلقہ ممالک کے اخلاقی معیارات پر سوالیہ نشان لگاتا ہے۔ صدر مملکت نے کہا کہ غزہ میں اسرائیل کی طرف سے فلسطینیوں کے بڑے پیمانے پر قتل عام پر عالمی برادری کی فوری توجہ کی ضرورت ہے، عالمی برادری کو چاہیے کہ وہ خونریزی کو روکنے کے لیے اپنا کردار ادا کرے۔
انہوں نے کہا کہ اسرائیل حماس کو ختم کرنے کے اپنے جواز میں فلسطینیوں کو وحشیانہ قتل عام کا نشانہ بنارہاہے اور بڑے پیمانے پر ہلاکتوں کو اجتماعی نقصان قرار دے رہا ہے۔ صدر مملکت نے کہا کہ ماضی میں یورپ میں جنگ سے ہونے والی ہلاکتوں کے بعد دنیا نے امن معاہدے کئے اور بعد ازاں لیگ آف دی نیشنز اور اقوام متحدہ جیسے ادارے معرض وجود میں آئے۔ انہوں نے تنازعات کو بڑھنے اور جنگوں کو روکنے کے لیے ایک موثر طریقہ کار کے لیے امن اقدامات کرنے میں اقوام متحدہ کے کردار پر زور دیا۔
صدر مملکت نے کہا کہ تنازعات کے ساتھ ساتھ دنیا کو ماحولیاتی تبدیلیوں ، مصنوعی ذہانت، منفی سماجی بیانیہ، دولت کی غیر منصفانہ تقسیم اور غیر مطمئن بنی نوع انسان سے وابستہ دیگر کئی خطرات کا سامنا ہے۔ انہوں نے کہا کہ ان چیلنجز کے حقیقت پسندانہ حل کے لیے بین الاقوامی تعاون کی ضرورت ہے جس کے لیے قابل عمل نظاموں کو اپنانے اور اخلاقیات کو نقطہ نظر میں شامل کرنے کی ضرورت ہے۔
علاقائی
وزیراعلیٰ پنجاب سے چینی وفد کی ملاقات، پانچ ہزار الیکٹر ک بسوں کے پراجیکٹ کا جائزہ
پنجاب میں بلٹ ٹرین،میٹروبسیں اورہر ضلع میں الیکٹر ک بسیں چلانا چاہتے ہیں، مریم نواز
![وزیراعلیٰ پنجاب سے چینی وفد کی ملاقات، پانچ ہزار الیکٹر ک بسوں کے پراجیکٹ کا جائزہ](/media/116941/conversions/news-1725281559-8877-1280x720.jpg)
وزیر اعلیٰ پنجاب مریم نواز سے چین کی وہیکل کمپنی چونگ اوئنگ سی آر آر سی ہینگ ٹونگ کے چیئرمین لیو جونہوا کی قیادت میں وفد نے ملاقات کی،جس میں گرین ٹرانسپورٹ سسٹم پراجیکٹ کے بارے میں تبادلہ خیال کیاگیا۔
ملاقات میں پنجاب بھر میں پانچ ہزار الیکٹرک بسیں چلانے کے پراجیکٹ کا جائزہ لیا گیا۔ پہلے مرحلے میں ایک ہزارالیکٹرک بسوں سے پراجیکٹ شروع کیا جائے گا۔پانچ سال میں بڑے شہروں میں ”اینڈ ٹو اینڈ“گرین ٹرانسپورٹ سسٹم لانچ کیا جائے گا۔
وزیراعلی مریم نواز نے کہا کہ چین ہر شعبہ ہائے زندگی میں لیڈ کررہا ہے،تعاون اورمہارت سے فائدہ اٹھانے کے متمنی ہیں۔بڑے شہروں کے عوام کے لئے مکمل گرین ٹرانسپورٹ سسٹم چاہتے ہیں۔ٹریفک جام بہت بڑا مسئلہ ہے،ماحولیاتی آلودگی بھی بڑھ رہی ہے۔لوگ تیزی سے الیکٹر ک وہیکل کی طرف راغب ہورہے ہیں۔چین کی مہارتوں سے فائدہ اٹھانے کے متمنی ہیں۔لاہور میں چینی ٹرانسپورٹ کمپنیز کو خوش آمدید کہیں گے اوربھرپور معاونت کی جائے گی۔
انہوں نے کہا کہ پنجاب میں بلٹ ٹرین،میٹروبسیں اورہر ضلع میں الیکٹر ک بسیں چلانا چاہتے ہیں۔شہبازشریف نے اورنج لائن اورمیٹروبس سسٹم کا میابی سے لانچ کیا۔لاہور کے بہت سے ایریاز میں ٹرانسپورٹ سسٹم کی ضرورت ہے۔پنجاب کے ٹرانسپورٹ سسٹم کو مکمل طورپر ری ڈیزائن کرنا چاہتے ہیں۔ٹرانسپورٹ انفراسٹرکچر، بس سٹاپ اورچارجنگ سسٹم اوردیگر سہولتیں چاہتے ہیں۔چین جیسے ملک سے دوستی خوش بختی کے مترادف ہے۔
پاکستان
جسٹس طارق محمود جہانگیری کے خلاف بدنیتی پر مبنی مہم ، توہینِ عدالت کیس سماعت کے لیے مقرر
چیف جسٹس عامر فاروق کی سربراہی میں 7 رکنی فُل کورٹ بینچ 19 ستمبر کو کیس پر سماعت کرے گا
![جسٹس طارق محمود جہانگیری کے خلاف بدنیتی پر مبنی مہم ، توہینِ عدالت کیس سماعت کے لیے مقرر](/media/116918/conversions/02144455035bb50-1280x720.jpg)
جسٹس طارق محمود جہانگیری کے خلاف بدنیتی پر مبنی مہم پر توہینِ عدالت کیس سماعت کے لیے مقرر کردیا، اسلام آباد ہائیکورٹ کے چیف جسٹس عامر فاروق کی سربراہی میں 7 رکنی فُل کورٹ بینچ 19 ستمبر کو کیس پر سماعت کرے گا۔
جسٹس طارق محمود جہانگیری کے خلاف بدنیتی پر مبنی مہم پر توہینِ عدالت کیس سماعت کرنے والے بینچ میں جسٹس محسن اختر کیانی، جسٹس میاں گل حسن اورنگزیب اور جسٹس بابر ستار بینچ میں شامل ہیں، اس کے علاوہ جسٹس ارباب محمد طاہر، جسٹس سردار اعجاز اسحاق خان اور جسٹس ثمن رفعت امتیاز بنچ کا حصہ ہیں۔
واضح رہے کہ اسلام آباد ہائیکورٹ کے فُل کورٹ بینچ نے موسمِ گرما کی چھٹیوں سے قبل پہلی سماعت کی تھی، عدالت نے غریدہ فاروقی، حسن ایوب اور عمار سولنگی کو نوٹس جاری کر کے جواب طلب کر رکھا ہے۔ عدالت نے پیمرا، پی ٹی اے اور ڈی جی ایف آئی اے کو بھی نوٹس جاری کر رکھا ہے۔
اسلام آباد ہائیکورٹ نے ڈی جی ایف آئی اے، پیمرا اور پی ٹی اے کو 4 ہفتوں میں رپورٹس جمع کرانے کا حکم دے رکھا ہے، عدالت نے کردار کشی مہم چلانے اور مواد شیئر کرنے والے افراد کی نشاندہی کرنے کا حکم دیا تھا۔
یاد رہے کہ جسٹس جہانگیری ان 6 ججز میں شامل ہیں جنہوں نے پہلے سپریم جوڈیشل کونسل سے اپنے ہی چیف جسٹس کے خلاف شکایت کی تھی اور عدالتی معاملات میں مداخلت کا الزام لگایا تھا، شکایت میں ججز کے داخلی دروازے اور بیڈ روم پر جاسوس کیمرے لگانے کے الزامات بھی شامل تھے، یہ معاملہ مبینہ طور پر چیف جسٹس تک پہنچایا گیا تھا۔
جسٹس طارق جہانگیری اس وقت سرخیوں میں آئے تھے جب انہوں نے فوجداری مقدمات میں سابق وزیراعظم عمران خان کو تحفظ فراہم کیا تھا اور پولیس کو آئندہ مقدمات میں انہیں گرفتار کرنے سے روک دیا تھا۔
پاکستان
وزیرِ اعظم سے پاکستان میں تعینات چینی سفیر جیانگ زیڈانگ کی ملاقات
چین نے ہر مشکل وقت میں پاکستان کا غیر مشروط ساتھ دیا ہے، شہباز شریف
![وزیرِ اعظم سے پاکستان میں تعینات چینی سفیر جیانگ زیڈانگ کی ملاقات](/media/116962/conversions/news-1725293692-6000-1280x720.jpg)
وزیرِ اعظم محمد شہباز شریف سے پاکستان میں تعینات چینی سفیر جیانگ زیڈانگ نے ملاقات کی ہے۔
ملاقات کےدوران وزیراعظم شہباز شریف کا کہناتھا پاک چین دوستی وقت کی ہر آزمائش پر پورا اتری ہے ، چین نے ہر مشکل وقت میں پاکستان کا غیر مشروط ساتھ دیا ہے ،پاک چین اسٹریٹجک تعلقات میں مسلسل بہتری اور چین پاکستان اقتصادی راہداری کی اپ گریڈیشن کے لئے مل کر کام کرنے کا چینی قیادت کا ویژن لائق تحسین ہے ۔
انہوں نے کہا پاک چین دوستی دونوں ممالک کے ساتھ ساتھ خطے اور عالمی امن اور ترقی کے لیے ناگزیر ہے ، پاکستان چین کے ساتھ انفارمیشن ٹیکنالوجی، مصنوعی ذہانت، جدید زراعت و دیگر شعبوں میں اشتراک کے فروغ کا خواہاں ہے ۔
ملاقات میں نائب وزیراعظم و وزیر خارجہ اسحاق ڈار ، وزیراعظم کے معاون خصوصی طارق فاطمی اور متعلقہ افسران بھی موجود تھے۔
-
پاکستان 2 دن پہلے
سابق سینیٹر مشتاق احمداوران کی اہلیہ کو غزہ مارچ کے پیش نظر حراست میں لے لیا گیا
-
پاکستان 2 دن پہلے
ماہر معاشیات ڈاکٹر قیصر بنگالی مستعفی ہو گئے
-
علاقائی ایک دن پہلے
پنجاب میں کم آمدن والوں کے لیے گھر کا خواب شرمندہ تعبیر ہوگا، مریم نواز
-
تجارت ایک دن پہلے
گورنر اسٹیٹ بینک کو ماہانہ 40 لاکھ روپے تنخواہ دیے جانے کا انکشاف
-
تجارت 2 دن پہلے
پیٹرولیم مصنوعات کی قیمتوں میں کمی کا اعلان
-
تجارت 2 دن پہلے
ملک بھر میں سونے کی قیمتوں میں اضافہ
-
جرم 9 گھنٹے پہلے
اڈیالہ جیل میں قیدیوں کے درمیان جھگڑا، کٹر کے وار سے ایک شخص زخمی
-
تفریح ایک دن پہلے
معروف امریکی گلوکار لائیو پرفارمنس کے دوران دل کا دورہ پڑنے سے انتقال کر گئے