پاکستان
قسم کھا کر کہتا ہوں کہ کسی نے بھی مجھ پر تشدد نہیں کیا ،شیخ رشیداحمد
انہوں نےمیڈ یا سے بات کرتے ہوئے کہا کہ جس نے بھی میرے گھر کا تالا کھلوایا ان کا تہہ دل سے مشکور ہوں
![قسم کھا کر کہتا ہوں کہ کسی نے بھی مجھ پر تشدد نہیں کیا ،شیخ رشیداحمد](/media/86177/conversions/_123018612_whatsappimage2022-01-26at10.52.50pm-1-1280x720.jpg)
اسلام آباد : پاکستان عوامی پارٹی کے سربراہ شیخ رشید احمد نے میڈیا سے غیر رسمی گفتگو کرتے ہوئےکہا کہ مجھ پر کسی قسم کا کوئی تشدد نہیں کیا گیا تھا ۔
انہوں نے کہا کہ 40 دن مجھے جہاں بھی رکھا گیا لیکن مجھ پر کوئی کسی قسم کا دباؤ نہیں ڈالا گیا ۔
صحافی نے سوال کیا کہ کیا شیخ رشید بھی پاکستان تحریک انصاف کو چھوڑ گیا ہے جس کے جواب میں انہوں نے کہا کہ دوستی اور دشمنی قبر تک نبھاتا ہوں ۔
انہوں نےمزید کہا کہ جس نے بھی میرے گھر کا تالا کھلوایا ان کا تہہ دل سے مشکور ہوں ۔
قسم کھا کرکہتا ہوں مجھ پر کوئی تشدد نہیں ہوا،شیخ رشید
— GNN (@gnnhdofficial) November 15, 2023
#GNN #BreakingNews #NewsUpdate #GNN_updates pic.twitter.com/hdF1SfbcCx
انہوں نے کہا کہ جس نے بھی انتقامی کاروائیاں کیں ان سب کو پولیس سمیت معاف کرتا ہوں ۔
پاکستان
اپوزیشن لیڈر کا 7 ستمبر کو ختم نبوت پر خصوصی اجلاس بلانے کا مطالبہ
اپوزیشن لیڈرعمر ایوب کا مزید کہنا تھا کہ بانی چیئرمین پی ٹی آئی سے متعلق اس ایوان میں احسن اقبال اور حنیف عباسی نے بات کی، این آر او بانی چیئرمین نے کبھی نہیں مانگا
![اپوزیشن لیڈر کا 7 ستمبر کو ختم نبوت
پر خصوصی اجلاس بلانے کا مطالبہ](/media/116976/conversions/news-1712041779-1390-1280x720-1280x720.jpg)
اسلام آباد: اپوزیشن لیڈر عمر ایوب نے 7 ستمبر کو ختم نبوت کے حوالے سے قومی اسمبلی کا خصوصی اجلاس بلانے کا مطالبہ کردیا۔
قومی اسمبلی کے اجلاس میں اپوزیشن لیڈر عمر ایوب نے نکتہ اعتراض پر اظہار خیال کرتے ہوئے کہا کہ ختم نبوت صلی اللہ علیہ وسلم کے حوالے سے اس ایوان نے قانون منظور کیا، قادیانیوں کو غیر مسلم قرار دیا گیا تھا، 7 ستمبر کو اس سے متعلق خصوصی اجلاس بلایا جائے ، اپوزیشن لیڈر نے کہا کہ اخبار میں خبر چھپی ہے وزارت دفاع اور دفاعی پیداوار میں بے ضابطگیاں سامنے آئی ہیں اس سے متعلق ایک خصوصی کمیٹی بنانی چاہئے۔
اپوزیشن لیڈرعمر ایوب کا مزید کہنا تھا کہ بانی چیئرمین پی ٹی آئی سے متعلق اس ایوان میں احسن اقبال اور حنیف عباسی نے بات کی، این آر او بانی چیئرمین نے کبھی نہیں مانگا۔
عمر ایوب نے کہا کہ بانی چیئرمین کے آکسفورڈ یونیورسٹی چانسلر کے انتخاب لڑنے پر کہا کہ یہ 800 سالہ تاریخ میں پہلی بار ہوگا کہ کوئی ایسی شخصیت چانسلر بنے گی۔
انہوں نے کہا کہ عدالت نے حکم دیا تھا کہ ہمارے اراکین کو پاکستان تحریک انصاف کا رکن ڈکلیئر کریں اسپیکر صاحب اس پر بتائیں کہ آپ کیا کر رہے ہیں۔
تجارت
ڈالر مزید مہنگا ، روپے کی قدر میں مزید کمی
گزشتہ ہفتے روپے کی قیمت میں معمولی اضافہ ہوا لیکن اب کاروباری ہفتے کے آغاز پر ہی ڈالر نے اپنی دھاک بٹھا دی ہے
![ڈالر مزید مہنگا ، روپے کی قدر میں مزید کمی](/media/116966/conversions/222686-1584896086-1280x720.jpg)
معاشی عدم استحکام کے باعث روپے کی قدر میں مسلسل کمی دیکھنے میں آرہی ہے۔
گزشتہ ہفتے روپے کی قیمت میں معمولی اضافہ ہوا لیکن اب کاروباری ہفتے کے آغاز پر ہی ڈالر نے اپنی دھاک بٹھا دی ہے ، آج کاروباری روز کے اختتام پر انٹربینک میں امریکی ڈالر 10 پیسےمہنگا ہونے کے بعد 278.54روپے سے بڑھ کر 278.64روپے پر بند ہوا۔
اوپن مارکیٹ کی بات کریں تو ڈالر 279 روپے 75 پیسے پر برقرار رہا ،یوور 23 پیسے مہنگاہوکر 308.51 روپے ،برطانوی پاؤنڈ ایک روپے مہنگاہوکر 366.54 روپے کا ہو گیا جبکہ یو اے ای درہم 76.16 روپے پر اور سعودی ریال 74.37 روپے پر برقرار رہا ۔ دوسری جانب پاکستان سٹاک ایکسچنج میں کاروبار کا منفی اختتام ہوا ہے ،100 انڈیکس 204 پوانٹس کی کمی سے بند ہوا،ہنڈرڈ انڈیکس 78 ہزار 283 کی سطح پر بند ہوا ،آج 15 ارب روپے مالیت کے 45 کروڑ شئیرز کا کاروبار ہوا۔
دنیا
پاپوا نیو گنی ، جزیرہ بوگین ویل میں 6.4 شدت کے زلزلے کے جھٹکے
امریکی جیولوجیکل سروے (یو ایس جی ایس) کے مطابق زلزلے کا مرکز زیر زمین 41 کلومیٹر گہرائی میں تھا۔حکام نے علاقے کے مکینوں کو ہوشیار رہنے کی تاکید بھی کی
![پاپوا نیو گنی ، جزیرہ بوگین ویل میں 6.4 شدت کے زلزلے کے جھٹکے](/media/116974/conversions/57b20453372f2-1280x720.jpg)
پاپوا نیو گنی کے جزیرہ بوگین ویل میں پیر کی صبح ایک زلزلے نے علاقے کو ہلا کر رکھ دیا۔
ڈی پی اے کے مطابق زلزلے کی شدت ریکٹر سکیل پر 6.4 ریکارڈ کی گئی۔ابتدائی اطلاعات کے مطابق اس زلزلے میں کسی جانی یا مالی نقصان کی اطلاع موصول نہیں ہوئی ۔ زلزلے کا مرکز جزیرے کے جنوبی ساحل پر واقع ٹوکاکا کے قریب تھا جو کہ بوکا سے 178 کلومیٹر جنوب مشرق میں واقع ہے۔
امریکی جیولوجیکل سروے (یو ایس جی ایس) کے مطابق زلزلے کا مرکز زیر زمین 41 کلومیٹر گہرائی میں تھا۔حکام نے علاقے کے مکینوں کو ہوشیار رہنے کی تاکید اور کسی بھی ممکنہ آفٹر شاکس کے پیش نظر احتیاطی تدابیر اختیار کرنے کی ہدایت کی ہے۔
-
تجارت 2 دن پہلے
ملک بھر میں سونے کی قیمتوں میں اضافہ
-
دنیا 7 گھنٹے پہلے
امریکہ : وینزویلا کے صدر کا طیارہ ضبط
-
دنیا 12 گھنٹے پہلے
عراق میں 27 سال بعد مردم شماری، ملک بھر میں 20 اور 21 نومبر کوکرفیو نافذ
-
پاکستان 2 دن پہلے
سابق سینیٹر مشتاق احمداوران کی اہلیہ کو غزہ مارچ کے پیش نظر حراست میں لے لیا گیا
-
دنیا 2 دن پہلے
ٹرمپ کی فیس بک کے بانی مارک زکر برگ کو جیل میں ڈالنے کی دھمکی
-
پاکستان 2 دن پہلے
ماہر معاشیات ڈاکٹر قیصر بنگالی مستعفی ہو گئے
-
تجارت ایک دن پہلے
گورنر اسٹیٹ بینک کو ماہانہ 40 لاکھ روپے تنخواہ دیے جانے کا انکشاف
-
تجارت 2 دن پہلے
پیٹرولیم مصنوعات کی قیمتوں میں کمی کا اعلان