چیئرمین پی ٹی آئی عمران خان  کا چیف جسٹس آف پاکستان کو خط لکھنے کا فیصلہ

عمران خان کے وکیل عمیر نیازی اڈیالہ جیل کے باہر میڈیا سے گفتگو کرتے ہوئے کہا سانحہ 9 مئی کے حوالے سے عمران خان نے جلد اوپن لیٹر جاری کرنے کا فیصلہ کیا ہے۔

چیئرمین پی ٹی آئی عمران خان کے وکیل عمیر نیازی نے خاور مانیکا کے انٹرویو پر کہا کہ عمران خان نے کہا تھا کہ جب ان کو کچھ نہیں ملے گا تو یہ گھر کی عورتوں کے بارے میں بات کرے گے، یہ کسی بھی لیول پر جا سکتے ہیں۔ یہ لوگوں کو گرفتار کرتے ہیں پھر ان سے انٹرویو کرواتے ہیں اور ضمانت پر چھوڑ دیتے ہیں۔ یہ سب عمران خان کے لئے کوئی پریشانی کا باعث نہیں، ان کی پوری توجہ 8 فروری کے انتخابات پر ہے اور بھرپور طریقے سے تحریک انصاف الیکشن میں حصہ لے گی۔

ان کا کہنا تھا کہ نیب 190 ملین پاؤنڈ کیس کی سماعت  ابھی ہوگی۔  نو مئی کو عمران خان کی ہتک آمیز گرفتاری عوام کو مشتعل کرنے کے لئے تھی۔ عسکری ٹاور مقدمہ آگ لگانے کا ٹائم 11 بجے کا ہے یہ کس نے لگائی؟ اسلام آباد ہائی کورٹ سے چیئرمین گرفتاری کی رپورٹ سامنے کیوں نہیں لائی گئی؟

انہوں ںے اعلان کیا کہ 9 مئی بابت چیئرمین پی ٹی آئی جلد اوپن لیٹر جاری کرنے والے ہیں۔ گرفتاریاں اور تشدد کر کے سیاسی وفاداریاں تبدیل کرائی جا رہی ہیں۔ تمام جماعتیں انتخابی مہم چلا رہی ہیں تحریک انصاف کی گرفتاریاں ہورہی ہیں۔ مشرقی پاکستان والی غلطی پھر دہرائی جارہی ہے۔ وہاں عوامی مینڈیٹ تسلیم نہیں کیا گیا۔ ووٹ پراسس سے تبدیلی لانا ضروری ہے۔ ٹکٹوں کی تقسیم کا پراسس ہوگیا ہر حلقہ میں تین تین نام شارٹ لسٹ کئے گئے ہیں۔ جب کچھ نہیں ملتا تو گھر کی خواتین تک جاتے ہیں،سوشل میڈیا پر کل کا انٹرویو پٹ چکا ہے۔

انہوں نے کہا کہ 8 فروری کو شفاف الیکشن ضروری ہیں تحریک انصاف ہر سیٹ پر امیدوار کھڑا کرے گی۔ القادر ٹرسٹ میں نیب کی تفتیشی ٹیمیں اڈیالہ جیل گپ شپ کیلئے آتی ہیں۔