پاکستان سی پیک منصوبے پر تیزی سے عملدرآمد کرے گا ،وزیر منصوبہ بندی

اسلام آباد: پاکستان نے چین پاکستان اقتصادی راہداری منصوبوں کے فیز II پر عملدرآمد میں تیزی لانے کے عزم کا اظہار کیا ہے۔

اس عزم کا اظہار نگراں وزیر منصوبہ بندی محمد سمیع سعید اور چین کے سفیر جیانگ زیڈونگ کے درمیان آج اسلام آباد میں ہونے والی ملاقات میں کیا گیا۔

محمد سمیع سعید نے ایم ایل ون اور کراچی کریکولر ریلوے کے منصوبوں کی اہمیت پر روشنی ڈالی۔

گوادر کی اہمیت کو اجاگر کرتے ہوئے، دونوں رہنمائوں نے اعلیٰ معیار کے پیشہ ورانہ تربیتی ادارے، پیوریفیکیشن پلانٹ اور جدید ترین ہسپتال کے ذریعے شہر کی سماجی و اقتصادیات کو تبدیل کرنے کے لیے کلیدی مداخلتوں پر روشنی ڈالی۔

سفیر جیانگ زیڈونگ نے سی پیک سے متعلق منصوبوں پر عمل درآمد کے لیے پاکستان کی کوششوں کو سراہا ۔