بین الاقوامی تقریب میں رانی پور کیس میں انصاف میں تاخیر پر احتجاج

کراچی: رانی پور کیس کی گونج دنیا بھر میں انسانی حقوق کے حامیوں اور حقوق نسواں کے علمبرداروں کے اتحاد کے طور پر ایک بین الاقوامی پلیٹ فارم پر 'سب ریجنل فیمنسٹ لیگل ایکسچینج کنوینگ' تک گئی ۔

 رانی پورسندھ میں ایک نوجوان لڑکی کے المناک قتل کا ہونا نہایت تشویش ناک تھا ۔

18 سے 20 نومبر تک ہونے والی اس تقریب کا انعقاد تھائی لینڈ کے چیانگ مائی میں خواتین، قانون اور ترقی پر ایشیا پیسیفک فورم نے کیا تھا۔

پاکستان، بھارت، نیپال، بنگلہ دیش، ملائیشیا، تھائی لینڈ، فلپائن، سری لنکا، اور میانمار کے نمائندوں نے قانونی چیلنجوں اور تشدد کی مختلف اقسام، خاص طور پر جنسی اور صنفی بنیادوں پر بات چیت میں حصہ لیا۔

کلیدی بات چیت میں افراد کے حقوق سے لے کر خواتین کو بااختیار بنانے اور شادی کے قوانین کی پیچیدگیوں تک اہم مسائل کا ایک دائرہ شامل تھا۔ ایڈووکیٹ صفیہ لاکھو، ام لیلیٰ اظہر اور ثمرین خان غوری نے پاکستان کی نمائندگی کرتے ہوئے قوانین میں بروقت ترامیم اور ان کے موثر نفاذ کی وکالت کی۔

اجتماعی جذبہ قابل دید تھا جب حاضرین نے پلے کارڈز لہرائے اور رانی پور میں بے دردی سے قتل ہونے والی معصوم بچی کے لیے انصاف کی وکالت کرتے ہوئے ایک ساتھ آواز بلند کی۔