اسرائیلی بمباری سے عالمی ادارہ صحت کی رکن جابحق

عالمی ادارہ صحت کے سربراہ ٹیڈروس آدانوم نے اپنے ادارے کی ایک رکن کی اپنے بچے ، شوہر اور خاندان کے دیگر افراد سمیت اسرائیلی بمباری میں  ہلاکت پر گہرے دکھ کا اظہار کرتے ہوئے کہا ہے ہم نے آج اپنی ایک ساتھی کھو دی ہے۔

سوشل میڈیا ایکس پر ڈبلیو ایچ او کے چیف نے اپنےٹویٹ میں کے ذریعے جاری کیے گئے بیان میں کہا ہے  آج میں اور میرے رفقائے کار تباہی سے دوچار ہیں، ہم نے اپنے ایک ساتھی کو کھو دیا ہے۔  ڈبلیو ایچ او کے سربراہ ٹیڈروس آدانوم غبریئیسس نے اس بیان کے ساتھ اپنی ٹیم ممبر دیما الحاج کی تصویر بھی پوسٹ کی ہے۔

My colleagues and I are devastated: we have lost one of our own in #Gaza today.

Our young @WHOoPt colleague Dima Alhaj was tragically killed alongside her 6 month old baby, her husband and 2 brothers. Reportedly multiple other family members sheltering in the same house were… pic.twitter.com/vURpNFRXe6

— Tedros Adhanom Ghebreyesus (@DrTedros) November 21, 2023

دیما الحاج منگل کے روز اسرائیلی بمباری کا نشانہ بنائی گئیں۔ ان کے ساتھ ان کا چھ ماہ کا بچہ ، شوہر اور دو بھائی بھی اس بمباری سے ہلاک ہو گئے ہیں۔ بتایا گیا ہے کہ دیما الحاج اپنے خاندان کے دوسرے افراد کے ساتھ ایک ہی گھر میں رہتی تھی

انہوں نے کہا کہ میرے پاس الفاظ نہیں کہ اپنے دکھ کو بیان کر سکوں۔ 7 اکتوبر سے جاری اس تباہی سے اقوام متحدہ کی ریلیف ایجسنی کے اب تک  108  ساتھیوں کو قتل کر دیا گیا ہے. یہ وحشت ختم ہونی چاہیے۔ تمام انسان دوست اور شہریوں کو تحفظ فراہم کیا جانا چاہیے۔