نگران وزیرداخلہ کا بلاول بھٹو کے لیول پلیئنگ فیلڈنہ ملنے کا الزام مسترد

نگران وزیر داخلہ سرفراز بگٹی نے چیئرمین پیپلز پارٹی بلاول بھٹو زرداری کی طرف نے لیول پلیئنگ فیلڈ نہ ملنے کے الزام کو مسترد کرتے ہوئے کہا کہ نگران حکومت کےلئے مسلم لیگ ن اور پیپلز پارٹی برابر اہم ہیں۔

سرفراز بگٹی نے چیئرمین پی ٹی آئی کو عدالت کا لاڈلہ قرار دیتے ہوئے کہا ہے کہ انہیں جیل میں ملنے والی سہولیات کا عام شہری تصور بھی نہیں کرسکتا 

افغان مہاجرین کی واپسی کے فیصلے کا دفاع کرتے ہوئے نگران وزیر داخلہ نے کہا کہ وہ ہمارے بھائی ہیں، امن و امان خراب ہونے کی وجہ سے افغانی پاکستان آئے لیکن اب افغانستان یں حالات پرامن ہیں اس لئے انہیں واپس چلے جانا چاہیے۔

نگراں وزیر داخلہ نے کہا کہ لاپتا افراد کا معاملہ کافی حد تک حل ہوچکا ہے، لاپتا افراد کے جتنے کیسز ہیں ان میں سے 78 فیصد کیسز حل ہوچکے ہیں، اختر مینگل کی جانب سے تیار کی گئی لاپتا افراد کی فہرست درست نہیں۔

سائفر کیس کے سوال پر انہوں ںے کہا کہ عمران خان کی سائفر کیس میں 28 نومبر کو پیشی کے حوالے سے عدالت کے حکم کو من و عن تسلیم کریں گے۔

نواز شریف سے متعلق سوال پر وزیر داخلہ نے کہا کہ میرے خیال میں نواز شریف پر جو کیسز بنے ہیں وہ بے بنیاد ہیں، انہیں محض بیٹے سے تنخواہ نہ لینے پر نااہل قرار دیا گیا جو کہ درست نہیں۔

ان کا کہنا تھا کہ ن لیگ کو کوئی فیور نہیں دیا جارہا، تمام سیاسی جماعتیں اپنا کام کررہی ہیں اور یہاں سب کے لیے لیول پلینگ فیلڈ  ہے، میرے لیے یہ مناسب نہیں کہ بلاول کے بیان پر تبصرہ کروں، الیکشن اپنے وقت پر ہوں گے اور وزارت داخلہ نے الیکشن کمیشن کو انتخابات کے انعقاد کے لیے ہر ممکن مدد کی یقین دہانی کرائی ہے۔