پی ٹی آئی میں انٹرا پارٹی الیکشن کرانا کوئی بڑی بات نہیں، وکیل عمران خان

چیئرمین پی ٹی آئی عمران خان کے وکیل سلمان اکرم راجا کا کہنا ہے کہ تحریک انصاف کی جانب سے انٹرا پارٹی الیکشن کرانا کوئی مشکل یا دشوار عمل نہیں، پارٹی کا اصل قائد ہی پارٹی چیئرمین ہوتا ہے عہدے ہونے یا نہ ہونے سے کوئی فرق نہیں پڑتا۔

اسلام آباد ہائی کورٹ کے باہر میڈیا سے کرتے ہوئے چیئرمین پی ٹی آئی کے وکیل اور معروف قانون دان سلمان اکرم راجا کا کہنا تھا کہ الیکشن کمیشن نے پی ٹی آئی سے کہا ہے انٹرپارٹی الیکشن کرائیں، یہ کوئی مشکل کام نہیں ہے، انٹرا پارٹی الیکشن ہوتے رہے ہیں، ابھی تفصیلی فیصلہ نہیں دیکھا، دیکھیں گے کہ اس فیصلے کے خلاف اپیل کرنے کی ضرورت ہے یا نہیں۔

انٹرا پارٹی الیکشن بھی کوئی بڑی بات نہیں۔
عمران خان چئیرمین شپ سے بھی قائم رہینگے۔
سلمان اکرم راجہ کی گفتگو #ووٹ_سے_لیں_گے_انتقام
pic.twitter.com/UVZXFxElLI

— PTI (@PTIofficial) November 24, 2023

سلمان اکرم راجا نے کہا کہ انٹرا پارٹی الیکشن کرانا کوئی دشوار عمل نہیں ہے، تحریک انصاف کے بہت سے لوگ ہیں جن کے پاس مختلف عہدے پہلے سے ہی موجود ہیں اور وہ پارٹی کی باگ ڈور سنبھالنے کے قابل ہیں، اس وجہ سے پی ٹی آئی کو انٹرا پارٹی الیکشن کرانا کوئی دشوار نہیں۔

سلمان اکرم راجا کا کہنا تھا کہ عمران خان الیکشن میں حصہ لے سکتے ہیں کہ نہیں یہ  کا معاملہ عدالت میں موجود ہے، چند دنوں میں ان کا فیصلہ آجائے گا، نواز شریف 4 سال بیرون ملک رہے لیکن ان کی جو اپنی فالوونگ ہے وہ کم نہیں ہوئی اور وہ اب بھی پارٹی کے قائد ہیں، جو پارٹی کا اصل قائد ہوتا ہے وہی رہتا ہے، کسی عہدے کے ہونے یا نہ ہونے سے فرق نہیں پڑتا۔

سلمان اکرم راجا نے کہا کہ  میں بطور وکیل اپنا کام کررہا ہوں، سیاست کو برا نہیں سمجھتا، بلکہ سیاست تو ہماری اجتماعی زندگی کا ایک اہم حصہ ہے، اس میں ممکن ہوتو ہر ایک کو حصہ لینا چاہیے۔