190ملین پاؤنڈ ، چیئرمین پی ٹی آئی اور دیگر ملزمان کے خلاف نیب ریفرنس دائر

190ملین پاؤنڈ اسکینڈل میں نیب نے چیئرمین پی ٹی آئی، بشریٰ بی بی اور فرح گوگی سمیت دیگرملزمان کے خلاف احتساب عدالت میں ریفرنس دائرکردیا۔

نیب راولپنڈی نے احتساب عدالت اسلام آباد میں چیئرمین پی ٹی آئی اور دیگر ملزمان کے خلاف 190 ملین پاؤنڈ اسکینڈل (القادر ٹرسٹ) میں ریفرنس دائر کر دیا ہے۔

نیب کی جانب سے پراسیکیوٹر سردار مظفر عباسی تفتیشی افسر میاں عمر ندیم کے ہمراہ احتساب عدالت میں پیش ہوئے اور ریفرنس دائر کیا، احتساب عدالت کے رجسٹرار آفس نے ریفرنس کی جانچ پڑتال شروع کردی ہے۔

نیب راولپنڈی کی جانب سے دائر ریفرنس میں کل 8 ملزمان کے نام دیے گئے ہیں، جن میں چیئرمین پی ٹی آئی کے علاوہ بشری بی بی، فرح گوگی، بیرسٹر ضیاء  مصطفی، ذوالفقارعلی (ذلفی) بخاری اور شہزاد اکبر سمیت دیگر شامل ہیں اس کے علاوہ پراپرٹی ٹائیکون ملک ریاض اور ان کے بیٹے کا نام بھی شامل ہے۔