ترقی پذیر ممالک زہریلی گیسوں کے اخراج میں بھرپور کمی کو یقینی بنائیں ، سیکرٹری اقوام متحدہ

کوپ 28 کانفرنس دبئی میں جاری ہے، دبئی میں ہونے والی کوپ کانفرنس میں 200 سے زائد ممالک کے سربراہان نے شرکت کی ہے ۔

تفصیلات کے مطابق کوپ 28 کانفرنس میں دنیا میں ہونے والی موسمیاتی تبدیلیوں کے بارے میں بات کی جائے گی اور دنیا میں کیسے کلائمٹ چینج پر قابو پایا جا سکتا ہے پر بات کی جائے گی ۔

سربراہ اجلاس سے خطاب کرتے ہوئے اقوا م متحدہ کے سیکرٹری جنرل انتو نیو گوتریس نے نقصانات کے بعد ازالے کےفنڈ کے فعال ہونے کے اہم اقدام کوسراہا۔

 انہوں نے ترقی پذیر ملکوں پرزور دیا کہ وہ زہریلی گیسوں کے اخراج میں بھرپور کمی کی کوششوں میں اہم کردار ادا کریں۔

 انہوں نے ایک اعشاریہ پانچ ڈگری دنیا کےلئے قائدانہ کردار تعاون اور سیاسی جرات کا مظاہرہ کرنے پر زور دیا۔ ایک اعشاریہ پانچ ڈگری حد کا حصول صرف اسی صورت میں ممکن ہے اگر ہم فوسل ایندھن چلانا روک دیں۔

انہوں نے حکومتوں پر زور دیا کہ وہ کاربن کے استعمال پر قابو پانے، آئین سازی اور منصفانہ قیمت مقرر کرنے، فوسل ایندھن پر اعانتوں کے خاتمے اور منافعوں پر زیادہ سے زیادہ ٹیکس عائد کرنے کے ذریعے صنعتوں کو درست فیصلے کرنے میں مدد دیں۔

اقوام متحدہ کے سیکرٹری جنرل نے قابل تجدید توانائی کا استعمال بروئے کار لانے پر زور دیا اور کہا کہ یہ ہمارے کرہ ارض اور معیشتوں کےلئے اچھی ہے۔

 ترقی پذیر ملکوں پر موسمیاتی تبدیلی کے تباہ کن اثرات کا ذکر کرتے ہوئے انہوں نے کہا موسمیاتی  انصاف کابہت عرصے سے انتظار ہے۔