'ہم چیلنجز سے بخوبی واقف ہیں' آرمی چیف

راولپنڈی: چیف آف آرمی اسٹاف (سی او اے ایس) جنرل سید عاصم منیر نے ہفتہ کو کہا: "ہم چیلنجز سے بخوبی آگاہ ہیں، پاک فوج کی پوری توجہ مادر وطن کی سرحدوں کے دفاع پر مرکوز ہے"۔

آرمی چیف جنرل سید عاصم منیر نے خیرپور کا دورہ کیا اور ٹامیوالی میں بہاولپور کور کی فیلڈ مشقوں کا مشاہدہ کیا۔

انٹر سروسز پبلک ریلیشنز (آئی ایس پی آر) کے مطابق آرمی چیف کو فیلڈ مشقوں کے بارے میں بریفنگ دی گئی، آئی ایس پی آر نے کہا کہ مشقوں کا مقصد آپریشنل ماحول میں مستقبل کے چیلنجز سے نمٹنے کے لیے مہارتوں کو بڑھانا ہے۔

ترجمان پاک فوج کے مطابق آرمی چیف نے مشق میں شریک فوجیوں سے بات چیت کی اور انہیں ہر حال میں روایتی جوش اور جذبے کے ساتھ قوم کی خدمت جاری رکھنے کی ہدایت کی۔