لیسکو ریجن میں بجلی چوروں کیخلاف آپریشن جاری

لاہور: وزارت توانائی پاور ڈویڑن کی ہدایت کے مطابق چیف ایگزیکٹو لیسکو انجینئر شاہد حیدر کی زیر نگرانی بجلی چوروں کیخلاف آپریشن جاری ہے۔

ترجمان لاہور الیکٹرک سپلائی کمپنی (لیسکو) کے مطابق 84 روز سے جاری انسداد بجلی چوری مہم کے دوران اب تک 15344ملزمان کو گرفتار کیا گیا،

مجموعی طور 31699کنکشن کیخلاف ایف آئی آر کی درخواستیں جمع کروائی گئیں جن میں سے30699درخواستیں رجسٹرڈ ہو چکی ہیں،بجلی چوروں کو اب تک 54161049یونٹس چارج کئے گئے ہیں جن کی مالیت 2121584593روپے ہے۔

ترجمان کے مطابق بجلی چوروں کیخلاف کئے جانے والے آپریشن میں بڑے کمرشل صارفین بھی بجلی چوری میں ملوث پائے گئے۔

ان تمام کے کنکشنز بھی منقطع کئے گئے اور ان کو ڈٹیکشن یونٹس چارج کئے گئے۔انہوں نے بتا یا کہ یوسف پارک شاہدرہ کے علاقے میں کنکشن کو 2500 یونٹس چوری کرنے پر 200000 روپے، سنت نگر اسلام پورہ کے علاقہ میں کنکشن کو 3000 یونٹس یونٹس چوری کرنے پر 200000 روپے،شاد باغ کے علاقے میں کنکشن کو1856 یونٹس چوری کرنے پر150000 روپے اور ٹائون شپ کے علاقے میں ایک کنکشن کو150000 کی رقم چارج کی گئی ہے۔