صدر پاکستان ڈاکٹر عارف علوی کا اسلام آباد انکلیومیں افتتاحی نشست سے خطاب

صدر ڈاکٹر عارف علوی نے علاقائی امن کے  چیلنجز سے موثر طور پر عہدہ برآ ہونے کے لئےفعال سوچ اپنانے کی اہمیت پرزور دیا ہے۔

 وہ آج(بدھ) اسلام آباد میں انسٹیٹیوٹ آف سٹرٹیجک سٹیڈیز کے زیر اہتمام بدلتی دنیا میں پاکستان کے موضوع پراسلام آباد انکلیو   2023 کی افتتاحی نشست سے خطاب کررہے تھے۔

 صدر نے مؤثر مباحثوں اور پالیسی سازی کے لئے سرکاری اداروں کے درمیان رابطے پر زور دیا۔ انہوں نے پاکستان کی جغرافیائی سیاست سے جغرافیائی معیشت میں تذویراتی نشاندہی کرتے ہوئے اس بات پر زور دیا کہ بھارت کے جنگی جنون کے تناظر میں علاقائی صورتحال کے بارے میں علاقائی اور منظم پیشرفت سے ہم آہنگ پالیسیوں کی ضرورت ہے۔

غزہ میں اسرائیلی جارحیت کے بارے میں گفتگو کرتے ہوئے انہوں نے کہا کہ صورتحال خطرناک ہے جو دنیا کی بے حسی کی علامت ہے جس سے خواتین اور بچوں سمیت بے گناہ لوگوں کے قتل عام کو نہیں روکا جاسکتا۔

 صدرنے کہا کہ جنگ کسی تنازعے کا حل نہیں ہے اور اس کے نتیجے میں تشدد کا نا ختم ہونے والا سلسلہ شروع ہوجاتا ہے۔