مسلم لیگ ن اور استحکام پاکستان پارٹی میں سیٹ ایڈجسمنٹ پر اصولی اتفاق

مسلم لیگ ن اور استحکام پاکستان پارٹی میں سیٹ ایڈجسمنٹ پر اصولی اتفاق ہو گیا۔

آئندہ انتخابات کی تیاریوں کے سلسلہ میں پاکستان مسلم لیگ ن کے قائدین کی دیگر سیاسی جماعتوں کے رہنماؤں سے ملاقاتیں اور رابطے جاری ہیں، اسی حوالے سے استحکام پاکستان پارٹی کے قائد جہانگیر ترین اور عون چودھری کی شہباز شریف کی رہائش گاہ ماڈل ٹاؤن آمد ہوئی

صدر مسلم لیگ ن شہبازشریف اور آئی پی پی کے سربراہ جہانگیرترین  ملاقات میں سیٹ ایڈجسٹمنٹ پراتبادلہ خیال کیا گیا ۔ دونوں پارٹی کے رہنماؤں کی ملاقات 45 منٹ جاری رہی جس میں عون چودھری، رانا ثنا اللہ، ایازصادق بھی موجود تھے ۔

ذرائع کے مطابق ملاقات میں طے پایا کہ سیٹوں کا نمبر کیا ہو گا یہ اگلی ملاقاتوں میں پیپر ورک کے ساتھ فیصلہ ہوگا۔