جی این این سوشل

پاکستان

پاکستان کیلئے آئی ایم ایف سے قرض کی منظوری

پاکستان کیلئے 3ارب ڈالر اسٹینڈ بائی ارینجمنٹ پروگرام کے تحت اگلی قسط کی منظوری متوقع ہے

پر شائع ہوا

کی طرف سے

پاکستان کیلئے آئی ایم ایف سے قرض کی منظوری
جی این این میڈیا: نمائندہ تصویر

میڈیا ذرائع کے مطابق امریکی جریدے بلوم برگ کی جانب سے پاکستان کیلئے 70 کروڑ ڈالر کی اگلی قسط کی منظوری کے معاملے پر آئی ایم ایف کے ایگزیکٹو بورڈ کا اجلاس 11 جنوری 2024 کو ہوگا۔

اجلاس میں پاکستان میں کی جانے والی اسٹاف لیول میٹنگ کے فیصلوں کو حتمی شکل دی جائے گی اور پاکستان کیلئے 3ارب ڈالر اسٹینڈ بائی ارینجمنٹ پروگرام کے تحت اگلی قسط کی منظوری متوقع ہے، منظوری کے بعد پاکستان کو 70 کروڑ ڈالر کی قسط ملے گی۔

رواں سال جولائی میں آئی ایم ایف نے پاکستان کے ساتھ تین ارب ڈالر کے بیل آوٹ پیکج معاہدہ کیا تھا، جس کے تحت پاکستان کو قرض پروگرام میں سے 1.2 ارب ڈالر پہلے ہی مل چکے ہیں ، مزید 70کروڑ ڈالر ملنے سے جاری کردہ رقم 1.9 ارب ڈالر ہو جائے گی، بقیہ تیسری قسط آنے والی حکومت کی دی جائے گی۔

پاکستان

پی ٹی آئی کے نامزد وزیراعلیٰ پنجاب میاں اسلم اقبال کی راہداری ضمانت منظور

پشاور ہائیکورٹ کا شکرگزار ہوں مجھے ضمانت ملی، میاں اسلم اقبال

پر شائع ہوا

ویب ڈیسک

کی طرف سے

پی ٹی آئی کے نامزد وزیراعلیٰ پنجاب میاں اسلم اقبال کی راہداری ضمانت منظور

پشاور ہائیکورٹ نے پاکستان تحریک انصاف (پی ٹی آئی) کے نامزد وزیراعلیٰ پنجاب میاں اسلم اقبال کی راہداری ضمانت منظور کرلی۔

پشاور ہائیکورٹ کے جسٹس وقار احمد نے پی ٹی آئی کے نامزد وزیراعلیٰ پنجاب میاں اسلم کی راہداری ضمانت کی درخواست پر سماعت کی، عدالت نے میاں اسلم کی راہداری درخواست ضمانت منظور کرلی۔

وکیل درخواست گزار نے عدالت کو بتایا کہ درخواست گزار پر اسلام آباد، فیصل آباد اور لاہور میں 18 مقدمات درج ہے۔جسٹس وقار نے ایڈیشنل اڈوکیٹ جنرل استفسار کیا کہ کیا ان کو 9 مئی کے بعد گرفتار نہیں کیا، جس پر عدالت کو بتایا گیا کہ میاں اسلم نو مئی کے بعد روپش ہو گئے تھے، اب سامنے آنے ہیں، ان کو اپنے خلاف مقدمات کا علم تھا۔

خیال رہے کہ رہنما تحریک انصاف میاں اسلم اقبال کے خلاف مختلف نوعیت کے 21 مقدمات درج ہیں۔

پشاور ہائی کورٹ کے باہر میڈیا سے گفتگو کرتے ہوئے میاں اسلم اقبال نے کہا ہے کہ ن لیگ اور پیپلز پارٹی نے عوام کا مینڈیٹ چوری کیا ہے ، وفاق اور صوبوں میں ہماری سیٹیں واپس کی جائیں۔ یہ الیکشن سے پہلے ایک دوسرے پر کرپشن کے الزامات لگاتے ہیں اور الیکشن کے بعد پھر مل جاتے ہیں۔ صرف اور صرف انصاف کا بول بالا کریں، 25سال ہوگئے ہیں مجھے الیکشن لڑتے ہوئے، مجھے کہا گیا کہ میں نے فائرنگ کرکےبندے قتل کیے ، مجھ پر بےشمار کیسز کیے گئے، پشاور ہائیکورٹ کا شکرگزار ہوں مجھے ضمانت ملی۔

انہوں نے کہا کہ میری کوئی فوٹیج موجود نہیں، کہیں بھی میری کوئی بھی فوٹیج دکھا دیں، میرے فون نمبر پر کوئی بھی کال ہوئی ہو تو دکھا دیں، میں جسٹس صاحبان کا شکریہ ادا کرتا ہوں ۔ صرف ایک ووٹ ہے، بانی پی ٹی آئی کا اور کسی کا ووٹ نہیں ہے، خدارا عوام کے مینڈیٹ کا خیال رکھا جائے، انہوں نے فارم 45کو رد کرکے47 کو مان لیا، یہ آزمائے ہوئے ہیں یہ پی ڈی ایم 2ہے، ن لیگ اور پیپلز پارٹی نے ہر ادارے کو تباہ کیا، انہوں نے 16ماہ میں کیا کچھ نہیں کیا جو اب کرنا ہے۔

ان کاکہنا تھا کہ ن لیگ کہہ رہی ہے ہمارے ساتھ شامل ہوجاؤ نہیں تو تمہاری جیت کا نوٹیفکیشن جاری نہیں ہوگا، چوری کے ووٹوں سے یہ سب نہیں چلے گا، عوام نے ہمیں مینڈیٹ حکومت کرنے کا دیا ہے، وفاق اور صوبوں میں ہماری سیٹیں واپس کی جائیں۔

پڑھنا جاری رکھیں

پاکستان

انتخابی نتائج کے خلاف الیکشن کمیشن میں سماعت جا ری

 الیکشن کمیشن نے شکایت کے اندراج کے لئے وفاقی دارالحکومت اسلام آباد میں اپنی عمارت میں ایک سیل قائم کردیاہے

پر شائع ہوا

ویب ڈیسک

کی طرف سے

انتخابی نتائج کے خلاف الیکشن کمیشن  میں سماعت جا ری

 الیکشن کمیشن آف پاکستان میں قومی اسمبلی اور چاروں صوبائی اسمبلیوں کے نتائج کے خلاف درخواستوں پر سماعت جاری ہے۔

 تفصیلات کے مطابق الیکشن نتائج کےخلاف 88 امیدواروں نے درخواستیں دائر کی تھیں ، الیکشن کمیشن کا کہنا ہے کہ کسی بھی درخواست کے خلاف انتقامی کا رروائی نہیں کی جائے گی ۔ 

 الیکشن کمیشن نے شکایت کے اندراج کے لئے وفاقی دارالحکومت اسلام آباد میں اپنی عمارت میں ایک سیل قائم کردیاہے۔

 

پڑھنا جاری رکھیں

کھیل

پی ایس ایل سیزن 9، کنگز نے زلمی کو 7 وکٹوں سے شکست دیدی

کراچی کنگز نے پشاور زلمی کا 155 رنز کا ہدف 17 ویں اوور میں با آسانی حاصل کرلیا

پر شائع ہوا

ویب ڈیسک

کی طرف سے

پی ایس ایل سیزن 9، کنگز نے  زلمی کو 7 وکٹوں سے شکست دیدی

پاکستان سپر لیگ سیزن 9،کراچی کنگز نے پشاور زلمی کو 7 وکٹوں سے شکست دیدی۔

کراچی کنگز نے پشاور زلمی کا 155 رنز کا ہدف 17 ویں اوور میں با آسانی حاصل کرلیا، کیرون پولارڈ 49 اور جیمز ونس 38 رنز بناکر ناقابل شکست رہے۔

قذافی اسٹیڈیم لاہور میں کھیلے گئے میچ میں  کنگز کے کپتان شان مسعود نے ٹاس جیتا اور زلمی کو بیٹنگ کی دعوت دی۔زلمی کی ٹیم شروع سے ہی مشکلات کا شکار دکھائی دی، پشاور نے 19.5 اوورز میں 154 رنز بنائے اور پوری ٹیم آؤٹ ہوگئی۔شعیب ملک نے صفر  پر صائم ایوب کو آؤٹ کیا، بعدازاں محمد حارث 6 رنز بناکر میر حمزہ کی گیند پر آؤٹ ہوگئے۔

پشاور زلمی کی جانب سے کپتان بابر اعظم 72 رنز بناکر نمایاں رہے، اس کے علاوہ  ٹام کوہلر کیڈمور  2، رومن پاؤل 39، آصف علی 23، عامر جمال ایک، لوک ووڈ 8 رنز بناکر پویلین لوٹے۔محمد ذیشان، سلمان ارشاد اور وقار سلام کوئی رن نہ بناسکے۔

کراچی کنگز کی جانب سے میر حمزہ اور حسن علی نے تین، تین وکٹیں حاصل کیں۔

ٹاس کے موقع پر پشاور کے کپتان بابر اعظم کا کہنا تھا کہ اگر ان کی ٹیم ٹاس جیتتی تو وہ پہلے بیٹنگ ہی کرتے۔

واضح رہے کہ پشاور زلمی اور کراچی کنگز دونوں ہی اپنا پہلا میچ ہار چکی ہیں، زلمی کو کوئٹہ نے شکست دی تھی جب کہ کراچی کنگز کو ملتان سے شکست کا سامنا ہوا تھا۔

پڑھنا جاری رکھیں

ٹرینڈنگ

Take a poll