حکومت کی اپوزیشن کو الیکٹرانک ووٹنگ مشین کا ماڈل دیکھنے کی دعوت

تفصیلات کے مطابق وفاقی وزیر اطلاعات فواد چودھری نے بابر اعوان کے ہمراہ  الیکٹرانک ووٹنگ مشین پر میڈیا  بریفنگ دیتے  ہوئے کہا کہ انتخابی اصلاحات کیلئے اتفاق رائے ضروری ہے، تمام جماعتیں بیٹھیں اور متفقہ فیصلہ کریں۔ ن لیگ اور پیپلزپارٹی پرچی سے باہر آنے کیلئے تیار نہیں، اصل مسئلہ یہ ہے پولنگ ہو جاتی ہے اور صبح تک نتائج نہیں آتے، ڈسکہ اور سیالکوٹ میں یہی ہوا ،الیکشن کمیشن نے 36 کنڈیشن دی کہ جو مشین بنائیں ان کو ان شرائط پر پورا اترنا چاہیے ۔ ان کا کہنا تھا کہ ہمارے انجینئر زنے ان تمام شرائط کو پورا کیا اور مشین بنائی ،ابھی یہ مزید بھی بہتر ہو سکتا ہے اس میں ٹچ سکرین لگ سکتی ہے۔ ن لیگ، پیپلزپارٹی کو الیکٹرونک ووٹنگ مشین کا جائزہ لینا چاہیئے۔

بابر اعوان کا کہنا تھا کہ انتخابی نظام سے خامیاں دور کرنے کیلئے اقدامات اٹھا رہے ہیں، ہم نے بیرون ملک مقیم پاکستانیوں کو ووٹ کا حق دیا، 2 اختیارات الیکشن کمیشن کو سونپ دیئے، اپوزیشن کو دعوت دیتے ہیں کہ آئیں ووٹنگ مشین کا ماڈل دیکھیں، اپوزیشن کے جو سوالات ہیں حکومت اس کا جواب دے گی، قومی شناختی کارڈ کے ذریعے ووٹرز کی تصدیق کی جائے گی، ہر الیکشن کے بعد احتجاج اور اعتراضات کا سلسلہ شروع ہو جاتا ہے۔