بی جے پی کی رہنما   سمرتی ایرانی دو روزہ دورے پر سعودی عرب پہنچ گئی

بی جے پی کی رہنما اور بھارتی اقلیتی امور کی وزیر  سمرتی ایرانی دو روزہ دورے پر سعودی عرب پہنچ گئی جہاں انہوں نے مدینہ منورہ کا دورہ کیا۔ سمرتی نے حج 2024 کے لیے بھارت اور سعودی عرب کے مابین معاہدے پر دستخط کئے۔

مرکزی وزیر برائے خواتین و بچوں کی ترقی اور اقلیتی امور سمرتی زبین ایرانی اور وزیر مملکت برائے امور خارجہ و پارلیمانی امور وی مرلی دھرن دو روزہ دورے پر سعودی عرب میں موجود ہیں۔

Undertook a historic journey to Madinah today, one of Islam's holiest cities included a visit to the periphery of the revered Prophet's Mosque, Al Masjid Al Nabwi, the mountain of Uhud, and periphery of the Quba Mosque – the first Mosque of Islam. The significance of the visit to… pic.twitter.com/WgbUJeJTLv

— Smriti Z Irani (@smritiirani) January 8, 2024

سماجی رابطے کی ویب سائٹ ٹوئٹر پر اپنے پیغام میں سمرتی ایرانی نے بتایا کہ انہوں مدینہ منورہ کا تاریخی سفر کیا، اسلام کے مقدس ترین شہروں میں سے ایک مدینہ منورہ میں انہوں نے مسجد نبوی، احد کے پہاڑ اور اسلام کی پہلی مسجد قبا کے احاطے کا دورہ بھی کیا۔

سمرتی کے مطابق ان مقامات کے دورے کی اہمیت ابتدائی اسلامی تاریخ سے جڑی ہوئی ہے جو ہماری ثقافتی اور روحانی وابستگی کی گہرائی کو ظاہر کرتی ہے۔

سمرتی ایرانی کے دورے کے دوران بھارت اور سعودی عرب کے درمیان دوطرفہ حج معاہدہ 2024 پر دستخط کیے گئے۔

معاہدے کے مطابق حج 2024 کے لیے بھارت سے کل ایک لاکھ 75 ہزار25 عازمین کے کوٹہ کو حتمی شکل دی گئی ہے جس میں حج کمیٹی آف انڈیا کے ذریعہ ایک لاکھ 40 ہزار 20 نشستیں مختص کی گئی ہیں جبکہ 35 ہزار 5 عازمین کو حج گروپ آپریٹرز کے ذریعہ جانے کی اجازت دی جائے گی۔

اُن کا کہنا تھا کہ بھارتی حکومت حج پرجانے والے مسلمانوں کو سہولیات اور خدمات فراہم کرنے میں مدد کرنے کے لیے پرعزم ہے تاکہ انہیں آرام دہ اور اطمینان بخش تجربہ فراہم کیا جاسکے۔