شہباز شریف کو بیرون ملک جانے سے روکنے والے افسر کوانعام

تفصیلات کے مطابق  شہباز شریف کو بیرون ملک جانے سے روکنے  والے افسر کوانعام دیا گیا ہے،فیڈرل انویسٹی گیشن ایجنسی  (ایف آئی اے) نے ائیرپورٹ امیگریشن حکام کی کارکردگی کو سراہا ہے۔

ذرائع کے مطابق سب انسپکٹررانا اعجاز کوبہترین کام کرنےپرسرٹیفیکیٹ اوردس ہزار روپے انعام دیاگیا ہے۔رانا اعجاز نے  شہباز شریف کا نام بلیک  لسٹ میں ہونے کے باعث  باہر جانے سےروکا تھا۔

واضح رہے کہ لاہور ہائیکورٹ کے جسٹس علی باقر نجفی نے شہباز شریف کو 8 ہفتوں کے لیے بیرون ملک جانے کی اجازت دی تھی، تاہم شہبازشریف کو حکومت کی جانب سے بیرون ملک جانے سے روک دیا گیا تھا، جس پر انہوں نے ڈی جی ایف آئی اے، سیکرٹری داخلہ، اور وفاقی حکومت کو فریق بناتے ہوئے لاہور ہائی کورٹ میں توہین عدالت کی درخواست دائر کی تھی، جس میں مؤقف پیش کیا گیا تھا کہ عدالت نے مجھے بیرون ملک جانے کی اجازت دی لیکن امیگریشن حکام نے بیرون ملک جانے سے روک دیا، عدالت سے استدعا ہے کہ متعلقہ حکام کے خلاف توہین عدالت کی کارروائی کی جائے۔بعد ازاں  شہباز شریف نے  لاہور ہائیکورٹ میں دائر درخواستیں واپس لینے کا فیصلہ کیا تھا۔