افغان سرزمین پاکستان کیخلاف استعمال ہونےسےروکی جائے،شرکاءکورکمانڈر کانفرنس

پاک فوج کے شعبہ تعلقات عامہ (آئی ایس پی آر) میجر جنرل بابر افتخار کے مطابق آرمی چیف کی زیر صدارت کور کمانڈر کانفرنس ہوئی ہے،آرمی چیف جنرل قمر جاوید باجوہ کا درپیش خطرات کے مقابلے کیلئے آپریشنل تیاریوں پر اطیمنان کا اظہار کیا ہے۔

آئی ایس پی آر کا کہنا ہے کہ  فورم میں افغان امن عمل میں ہونے والی پیش رفت کا جائزہ لیا گیا، اجلاس میں  ایل او سی،ورکنگ باوَنڈری  اور  پاک افغان  بارڈر  کی صورتحال  کا جائزہ لیا گیا ہے۔ فورم میں پاک افغان بارڈر کی صورتحال اور پاکستان کے علاقائی امن کیلئے کوششوں پر اطمینان کا اظہار کیا گیا۔

فورم نے افغان سرزمین سے پاکستان کے سرحدی علاقوں میں حملوں کا سنجیدگی سے نوٹس لیا ہے۔

کورکمانڈر کانفرنس میں شرکاء نے کہا  کہ  افغانستان میں دہشت گردگروپ سراٹھارہےہیں، افغان سرزمین پاکستان کیخلاف استعمال ہونےسےروکی جائے، علاقائی سیکیورٹی صورتحال میں مؤثربارڈرکنٹرول منیجمنٹ ضروری ہے۔

آئی ایس پی آر کے مطابق  پاکستان نےبارڈرکنٹرول منیجمنٹ کیلیےمؤثراقدامات کررکھےہیں،افغانستان بھی بہترمنیجمنٹ کیلئےضروری اقدامات کرے۔کےپی میں ضم ہونےوالےقبائلی اضلاع اوربلوچستان میں سماجی واقتصادی اقدامات ‏پربھی تبادلہ خیال کیا گیا۔سماجی واقتصادی ترقی سےامن کومزیدتقویت ملےگی۔

آرمی چیف نےکوروناکی تیسری لہرکےدوران سول انتظامیہ کی بھرپورمددپر ‏فارمیشنزکےکردارکوسراہا ہے،فارمیشنزکےتعاون سےوباکےپھیلاؤکےروک تھام میں مددملی۔