زمین پر پابندیاں لگی تو بھارتی جوڑے نےفضا میں شادی رچا لی

بھارتی میڈیا کے مطابق نجی ایئرلائن کے چارٹرڈ طیارے میں پرواز کے دوران شادی کی تمام مقامی رسومات بھی ادا کی گئیں۔ دھوم دھام سے شادی کے خواہشمند بھارتی جوڑے نے نا صرف فضا میں شادی کرنے کا پلان بنایا  بلکہ اسے عملی جامہ بھی پہنایا۔

بھارتی حکومت نے اعلان کر رکھا ہے کہ کسی بھی تقریب میں خواہ وہ شادی کی ہی کیوں نہ ہو 50 سے زائد افراد شرکت نہیں کر سکیں گے مگر اس انوکھی شادی میں 160 لوگوں نے شرکت کی۔ کورونا کےسنگین حالات کے پیشِ نظرعائدپابندیوں کو نظر انداز کرتے  ہوئے ریاست تامل ناڈو کے رہائشی نے پرائیوٹ جیٹ کی بکنگ کرائی اورشادی کی تقریب دوران پرواز کی گئی۔بھارتی سول ایوی ایشن اتھارٹی نے ایس او پیز کی خلاف ورزی کرنے پر  تحقیقات کاآغاز کردیا۔

واضح رہے کہ  بھارت میں کورونا  سے ہلاک ہونے والوں کی تعداد 3 لاکھ سے تجاوز کر گئی ہے ۔ جو کہ دنیا بھر میں کورونا سے ہونے والی   اموات  میں دوسری بڑی تعداد ہے