پاکستان میں مقامی سطح پر موبائل فونز کی تیاری میں اہم پیشرفت

تفصیلا ت کے مطابق  پاکستان میں مقامی سطح پر موبائل فونز کی تیاری میں اہم پیشرفت ہوئی ہے۔ پاکستان ٹیلی کمیونیکیشن (پی ٹی اے ) 19 کمپنیوں کو مقامی سطح پر موبائل فونز بنانے کی اجازت دیدی ۔ 19 غیر ملکی اور مقامی کمپنیاں 2 جی، 3 جی اور 4 جی فونز تیار کریں گی۔

ترجمان پی ٹی اے کا کہنا ہے  کہ ابتدائی طور  پر کمپنیوں کو اگلے دس سالوں کے لئے  اجازت دی گئی ہے۔مینوفیکچررز اپنے  برانڈز بھی تشکیل دے سکیں گے  جو  ’پاکستان میں تیار‘  ثقافت کو فروغ دیں گے۔کمپنیوں کے تیار کردہ موبائل ڈیوائسز پاکستان میں فروخت ہونے کے ساتھ برآمد بھی کیے جائیں گے۔  

ترجمان پی ٹی اے کے مطابق  ڈیوائس مینوفیکچرنگ پلانٹس روزگار کے نئے مواقع پیدا ہونگے، یہ پلانٹس پاکستانی صارفین کے لیے کم قیمت والے ہینڈسیٹ فراہم کرنے میں بھی معاون ثابت ہوں گے۔

خیال رہے کہ پاکستان ٹیلی کمیونیکیشن (پی ٹی اے) نے رواں سال موبائل ڈیوائس مینوفیکچرنگ ریگولیشنز جاری کیے تھے۔