پنجاب کے تمام نجی و سرکاری میڈیکل کالجز کھولنے کا فیصلہ

تفصیلات کے مطابق  پنجاب کے تمام نجی و سرکاری میڈیکل کالجز کو کھولنے کا فیصلہ کیا گیا ہے۔محکمہ سپیشلائزڈ ہیلتھ کیر نے مراسلہ جاری کردیا  ہے۔

مراسلہ میں کہا گیا ہے کہ  میڈیکل یونیورسٹیز ، میڈیکل کالجز ، ڈیںٹل کالجز ، الائیڈ ہیلتھ سائنسز سکول 27 مئی سے کھولیں جائیں ،کورونا ایس او پیز کے تحت میڈیکل انسٹی ٹیوٹ کھولنے کا فیصلہ کیا گیا ہے۔

مراسلہ کے مطابق   تمام میڈیکل انسٹی ٹیوٹ میں غیر نصابی سرگرمیوں پر پابندی ہوگی ، پہلے مرحلے میں تھرڈ ایئر اور فورتھ ایئر بی ڈی ایس لے طلبہ کلاسز میں آسکیں گے ، فائنل ایئر ایم بی بی ایس کے طلبہ بھی میڈیکل کالجز میں جا سکیں گے  اور  تمام طلبہ کو سخت کورونا ایس او پیز کے ساتھ کلاس میں بٹھایا جائے۔

مراسلہ میں کہا گیا ہے کہ فرسٹ اور سیکنڈ ائیر ایم بی بی ایس کے طلبہ کو کالج آنے کی اجازت نہیں ہوگی۔ فرسٹ اور سیکنڈ ائیر کی کلاسز بدستور آن لائن ہوں گی ۔ڈینٹل کالجوں میں بھی تیسرے اور چوتھے سال کے طلبہ آسکیں گے۔میڈیکل اور ڈینٹل اداروں کے تمام طلبہ کی ویکسی نیشن  کی جائے گی۔