وزیر تعلیم مراد راس کا 7 جون سے تعلیمی ادارے کھولنے کا اعلان

تفصیلا ت کے مطابق  وزیر تعلیم  پنجاب مراد راس نے پنجاب کے تمام ڈسٹرکٹ میں سکول کھولنے کا اشارہ  دیدیا۔ وزیر تعلیم پنجاب مراد راس  نے سات جون سے لاہور سمیت باقی  اضلاع میں تعلیمی ادارے کھولنے کا اعلان  کردیا۔

The issue of Public and Private schools that are still closed in Districts of Punjab was discussed in the last NCOC meeting. The remaining Districts will have a staggered approach opening from Monday June7th, 2021. Please follow SOPs issued by the Government

— Murad Raas (@DrMuradPTI) May 25, 2021

سماجی رابطے کی ویب سائٹ ٹوئٹر پر ایک ٹویٹ میں وزیر تعلیم  پنجاب مراد راس نے کہا  پنجاب کے بیس اضلاع میں تعلیمی ادارے کھولنے کے حوالے سے این سی او سی میں مشاورت ہوئی، بیس اضلاع میں پچاس فیصد حاضری کی پالیسی پر عملدرآمد ہوگا ، گورنمنٹ کے ایس او پیز پر عملدرآمد کیا جائے۔

گزشتہ روز  وزیر تعلیم شفقت محمود کی زیر صدارت بین الصوبائی وزرائے تعلیم اجلاس ہوا تھا،حکومت نے رواں سال کسی کو پروموٹ نہ کرنے کا فیصلہ کیا تھا۔حکومت نے ایس او پیز کے تحت ہر صورت امتحانات لینے کا فیصلہ کیا تھا۔

اجلاس میں فیصلہ کیا گیا تھا کہ موسم گرما کی تعطیلات کم ہوں گی اور  فیصلے صوبے کریں گے۔جبکہ  امتحانات 20 جون کے بعد سے شروع کئے جائیں گے اور  تاریخ کا اعلان متعلقہ صوبے خود کریں گے۔